Ronaz Silêman/Qamişlo
Kongra Star li dijî reşnivîsa destûrê nû ya desthiata Şamê di bin dûrişmeya “Destûra ku mafê jinan û pêkhateyan naparêze em qebûl nakin”xwepêşandaneke girseyî li bajarê Qamişlo li dar xist.
Bi pêşengtiya Kongra xwepêşandaneke girseyî ya jinan li ser asta Kantona Cizîrê li dijî reşnivîsa destûrê nû ya desthiata Şamê, herwiha komkujiyên ku di derheqê mezheba elewî pêk tê, li bajarê Qamişlo di bin dûrişmeya “Destûra ku mafê jinan û pêkhateyan naparêze em qebol nakin” hate lidarxistin. Xwepêşandan ji çerxerêya Osman Sebrî hate dest pê kirin û li çerxerêya şehîd Rûbar veguherî mîtîngê. Piştî ku meş veguherî mîtîngê xuleyeke bêdengî li ser giyanê şehîdan hate rawestandin.
Piştre li ser navê Kongra Star Rîhan Loqo axivî û wiha got: “Em li ser navê tevahî jinên şoreşa Bakur û Rojhilatê
Sûriyê sersaxiyê ji gelê xwe yê elewî re dixwazin. Em ji wan re dibêjin êşa we êşa Bakur û Rojhilatê Sûriyê ye. Ji 6’ê Adarê û heya roja îro bi awayekî hovane êrişa qirkirinê li ser gelê elewî li berava Sûriyê bê navber tê kirin, em vê yekê şermezar dikin. Nayê qebolkirin ku tevahî mirovahiyê çav û guhê xwe li hemberî qirkirinê girtiye. Em ji qadê şoreşê dengê xwe bilind dikin û ji jinê elewî re dibêjin hûn ne bi tenê ne, jinên Bakur û Rojhilatê Sûriyê li pişta we ne. Di heman demê de berî 2 rojan me dît ku reşnivîsa destûr a Sûriyê hate nîvisandin, di wê reşnivîsê de mafê jinan nebû, lewra em vê reşnivîsê napijrînin. Destûrka ku mafê, hebûn û îrade jinan qebol nake û tune dihesibîne, em jî wê destûrê qebol nakin, ne jî me temsîl dike. Çi sîstemê ku hebûn û mafê jinan di nav xwe de nehewîne ew ne sîstemekî demokrat û azade. Piştî hilweşandina rejîma Baes ew bû ku Sûriyeke demokratîk, pirengî û pirzimanî bi pêşengtiya jinan bê avakirin.”
Piştre li ser navê Rêveberiya Xweser Vivyan Bihoosê axivî û wiha got: “Na ji destûr ku hebûna jinê tune dike. Bijî
şoreşa ku jin pêşengtiya wê dike. Bijî azadiya jinê. Em îro di vê pêşandana xwe de diyar dikin ku em li dijî cûdabûna pêkhateyan ne, em tekez dikin ku jina kurd, ereb û suryanî bingehe di avakirina welat de. Destûr divê temsîla hemû pêkhateyan bi taybetî jin bike. Da ku azadî û demokratî misoger bibe.”
Xwepêşandina bi silogana Jin Jiyan Azadî bi dawî bû.
