Dilovan kêfo/Amûdê
Welatiyên bajarê Amûdê bi meşekê destûra Sûriyê ku ji aliyê desthilatdariya Şamê ve hatiye ragihandin şermezar kirin û diyar kirin ku siyasete yekringiyê wê bi ser nekeve.
Meş bi bilindkirina pankartên li dijî destûra Sûriyê a ku ji aliyê desthilatdariya Şamê ve hetiye ragihandin, ji navenda bajarê Amûdê dest pê kir û li qada jinê rawestiya û veguherî mitîng.
Di mitîngê de wiha hat gotin: “Em ragihandina destûra bingehîn a Sûriyê û biryarên ku dixwezin Sûriyeke di çarçoveyeke mezehebî ya yek reng de û di bin navê komara Erebî ya Sûriyê de bihêlin, şermezar dikin.Di van biryaran de karekterek olî ya ku yek pêkhateyê temsîl dike heye. Ev yek jî dibe sedema dûrxistina gelek pêkhateyên din mîna Durziyan, kurdan, lewiyan, Aşûriyan hwd.
Her wiha em dest dirêjiyên ku li ser gelên me yên Elwî tên kirin şermezar dikin û em wekheviyê ji bo hemû pêkhateyên Sûriyê dixwazin.”
