Dilovan kêfo/Amûdê
Bi daxuyaniyekê Meclisa Bajarê Amûdê şehîdên Serhildana 12’ê Adarê bi bî anîn û got, “Armnca rêjîma Bees a têkçûyî derxistina tevliheviyê di navbera gelê kurd û ereb de bû, lê plana wan ya qirêj têk çû.”
Bi beşdarbûna endamên saziyên Rêveberiya Xweser daxuyanî ji aliyê hevseroka Meclisa Bajarê Amûdê Efaf Resûl ve hate xwendin û naveroka daxuyaniyê wiha bû:
“Komeke ji ciwanên Dêrazorê yên alîgirên Tîma Fitiwê ya fotbolê di dema maçeke ku li qada futbolê ya Qamişlo hate lidarxistin de, kevir avêtin alîgirên tîma futbolê ya Cîhad a Qamilo, di encamê de gelek kurd şehîd û birîndar bûn. Ev yek ji plana rêjîma Bass bû. Fikra şofînî a rêjîma Baas a desthilatdar ew ku herdem şerê mezhebî û tevlihevkirinê di navbera pêkhateyên Sûriyê de û çêke. Bi şertê ku rêjîma Baas a nîjadperest li derveyî lîstokê bimîne û her kesî li gorî daxwaza xwe kontrol bike. Herwiha rêjîm hewl dida hemû tevgerên hundirîn têk bibe û xwe wek serwera Sûriyê biparêze, lê wê pilan dikir ku hemû krîz û nakokiyên navxweyî û tovên fitneyê di navbera pêkhateyan de biçîne. Derbaskirina yekemîn salvegera duyemîn a bûyerên Stada Qamişlo bû bêyî şopa partiya şovenîst li Sûriyê piştî bîst û yek salan ji vê bûyera xemgîn û bi êş li Amûdê, em bejina xwe li hemberî şehîdên 12’ê Adarê ditewînin.”
