Dîlan Mulhim\Qamişlo
Ji bo şermezarkirin komkujiyên ku li dijî civaka elewî li beravên Sûriyê tên kirin, Instatîfa Gel a Bajarê Qamişlo meşeke li dar xist.
Îro ji bo şermezarkirina komkujiyên li dijî elewiyan li berava Sûriyiyê tên kirin, Instatîfa Gel a bajarê Qamişlo meşek li ser asta bajar li dar xist.
Di meşê de bi sedan welatî hazirbûn û meş ji çerxerêya Sonî dest pê kir û heta çerxeriya Şehîdan bi dawî bû.
Piştî ku meş veguherî mîtîngê kêliyeke rêzgirtin li ser giyanê şehîdan hate rawestandin.
Piştre Rêvebera Mecilsa bajarê Qamişlo Hêvî Ehmed axivî û wiha got: “Piştî ketina Rêjîma Bees û hatina hikumeta nû gelek guhertin di Sûriyê de çêbûn. Herwiha gelê Sûriyê bi mirinê re rû bi rû ma, tu rêzgirtin ji taybetmendî û xweseriya gelên Sûriyê ji aliyê çand, ol û civakî ve nehatiye girtin. Diyare ku hikumeta nû nikare gelê Sûriyê birêve bibe û pêşeroja wê ava bike, lewma mekînezmeya netewa dîmokratîk tenê kar xwe bide qebûlkirin. Ji ber ku çareseriya kirîza Sûriyê girêdayî netewa dîmokratîk e, herwiha di demên dawî de li pêş çavê cîhanê civaka elewî di bin kumkujiyan re derbas dibin, ev komkujî bi hiceta ku ew girêdayî Rêjîma Bees in.
Hêvî Ehmed axaftina xwe wiha bi dawî kir: “Li Berava Sûriyê jin û zarok tên kuştin û rastî komkujiyan tên. Ji ber vê yekê em bang li hêzên cîhanê û dewletên Navnetewî dikin, ku bi erkê xwe rabin û netewan biparêzin. Herwiha hesab ji hemû kesên ku destê wan di kuştina gelê Sûriyê de heye hesab bê xwestin û komîteyeke lezgîn were avakirin. Ji bo ew kesên ku sûcên dijî mirovî kirine hesab ji wan bê xwestin.”
