Ayşa Silêamn/Dêrik
Elewiyên gundê Zihîriyê yê bi ser bajarê Dêrikê ve ji bo piştgiriya Elewiyên li beravê û şermezarkirina kiryarên li djiî wan li bajarê Dêrikê daxuyaniyek dan.
Elewiyên gundê Zihîriyê yê bi ser bajarê Dêrikê ve, ji bo piştgiriya Elewiyên li beravê û şermezarkirina kiryarên li djiî wan li navenda Ciwanan a bajarê Dêrikê daxuyaniyek dan. Daxuyaniyê bi beşdariya endamên saziyên Rêveberiya Xweser û endamên Meclisa Olî ya bajêr pêk hat.
Herwiha berî dayîna daxuyaniyê xuleyeke bêdengî li ser giyanê elewiyên ku jiyana xwe ji dest dane hate rawestandin. Paşê bal hat kişandin li ser herêma ku gelê Elewî tê de jiyan dikin ku çawa rastî êriş û binpêkirinan ji aliyê hikumeta demkî ve tên. Herwiha li ser elewiya di bin navê paqijkirina herêmê ji bermahiyên rejîma Bees komkujiyan pêk tînin. Ev tiştên ku tên kirin li dijî gelê Elewî di Sûrî de li dijî zagonên navnetewî ye, ji ber ku gelek kes jiyana xwe ji dest didin bê sûcin.
Di berdewamiya daxuyaniyê de bal hat kişandin li ser êriş û kumkujiyên ku pêk tên û wiha gotin: “Em îro li vir disekinin da ku biştgiriya xwe nîşan bidin ji gel re ferq nake ji çi netewî be, pêwîst e mafê her kesekî were parastin û pêwîst e hemû netew rajin barê parastinê. Em bang li Netewên Yekbûyî û saziyên mafên mirovan dikin ku li dijî van kiryaran bisekinin û kesên ku van sûncan dikin werin dadgehkirin, da ku her kes zanibe kesê ku van kiryaran dike bê ceza namîne. Em di wê bawriyê de ne ku wekhevî bingehê avakirina pêşerojeke aşîtî û aram e.”
Di dawiya daxuyaniyê de wiha hate gotin: “Piştî ku me hevdîtina fermendar Mezlûm Ebdî dît em bêdeng man ji ber ku em di wê baweriyê de ne ew ê helbet ji bo tevahî netewan çareseriyê bibîne. Herwiha em hêza wî li beravê dixwazin ji ber ku ew ê yê ku wê maf bide her netew û her kesî û xwedî li dengê gelê xwe derdikeve.”
