Ayşa silêman/Dêrik
Partiya Yekîtiya Demokrat PYD’ê ji bo şîrovekirina rewşa herêmê piştî daxuyaniya aşîtî ya ku Rêber Apo dayî bi silogana ” Em ê roja reş bikin roja azadiya Rêber Apo” li Dêrikê civînek ji gel re li darxist.
Partiya Yekîtiya Demokrat PYD’ê ji bo şîrovekirina rewşa herêmê piştî daxuyaniya aşîtî ya ku Rêber Apo dayî bi silogana ” Em ê roja reş bikin roja azadiya Rêber Apo” li lîstikgeha Kornîş a bajarê Dêrikê civînek ji gel re li darxist. Di civînê de bi sedan endamên saziyên Rêveberiya Xweser hazir bûbûn.
Di destpêka civînê de xulayek bêdengî li ser giyanê şehîdan rawestiyan Paşê Hediya mihemed endama PYD’ê nameya Rêber Apo xwend, di heman demê de banga PKK’ê ya ku ji bo gel nîvîsandibûn hat xwendin. Paşê nîqaş li ser peyama Rêber Apo hat kirin û wiha got:”Tevî ku ev heftekeiye derbas bû ji peyama Rêber Apo lê pêkanîna wê li seranserê cîhanê bandor kir. Ev peyam ji bo gelê kurd roleke girîn lîst, rola şoreşeke demokratîk û şoreşa jinê ye. Di heman demê de kes,n ku provakasyonan dikin dixwazin her tim bibin bekoyên aşîtiyê, lewma gelek gotûgo ji bo peyama Rêber Apo derxistin. Rêber Apo dibêje; Gelê ku ji bo mirovatî, civak û derdora xwe bi roleke girîng rabûye, ew gelekî welat parêze, dijmin dixwaze vê rastiyê veşêre û kurdan qir bike, lewma di wê demê de hebûna PKK’ê girîng bû da ku hebûna kurdan eşkere bike û bêje vaye kurd hene. Pangawaziya ku Rêber Apo kirî ne weke gaveke paş e ji fikrên wî, na lê Rêber Apo dibîne ku dem dema ku gelê kurd bi riya siyasî vê pirsgirêkê çareser bike. Hemû dewletên derdorê ji bo berjewendiyên xwe kar dikin û hebûna kurdan ji bo wan ne girînge. Lê îro roj em ê bi yek dest û wekhev jiyan bikin çi ereb, kurd û xirstiyan. Îro roj em dibînin ku dagirkeriya Tirk ketiye tengasiyekî û di welatê xwe bi xwe de parçekirinê dike. Di vê pêvajoya ku em dikevin têde sînorên siyasî tên diyar kirin. Lema ked têkoşîn hin zêdetir ji me tê xwestin da ku em xeta şehîdên xwe berdewam bikin
