Nehîr Pale/ Reqa
Jinên Kantona Dêrazorê roja 8’ê Adarê ya jinên a cîhanê pîroz kirin û soza berdewamkirina têkoşînê dan .Jin li Kantona Dêra Zor sala 2018’an piştî ku ji çeteyên DAIŞ rizgar bûn, êdî çalakiyên vejînkirina Roja Jin a Cîhanî birêxistin dikin û hewildidin ku xwe bigîhinin hemû jinên herêmê ji bin zexta hişmendiya zilamê serdest de.
6’ê Adara 2025’an de li gundê li Kantona Dêra Zor, Tebqa û Reqayê bi tevlîbûna jinên heremê ve pêşwaziya 8’ê Adarê bi kelecanekî mezin tê kirin. Gundê Hisêniyê yê girêdayi Kantona Dêrazorê jinên herêmên ji boneya 8’ê Adarê roja jinên kedkar ya cîhanê 8’Adarê bi çend rêze çalakiyan pîroz kir. Şahî bi dirûşmeya ‘Bi felsefeya Jin,Jiyan, Azadî ber bi Sûriya Demokratîk ve’ hat destpê kirin.
Di destpêka şahiyê de endama Kordînasyona Meclisa Kombuna Jinan ya Zenûbya a Dêrazorê Senai El-Remedan axivî û got: ” Di vê rojê de deskeftî û têkoşîna jin tê pîroz kirin. Têkoşîna Şehîd Kerem El-Şehab, Hîva Erebo û tevahiya şehîdên jin bibîrtinin û rêberê gelan Rêber Abdullah Ocalan li hemberî zayendperestiyê destbi têkoşîne kir û ev têkoşîn bû modela Rojhilata Navîn. Ev têkoşîn berdewam kirin erka me ye û em Rêberê gelan li wir heya Îmraliyê silav dikin û soza domandina berxwedan û têkoşîna jinan nû dikin.”
Li girêdayi heman mijarê Desteya Jin a Kantona Dera Zor Eliya El-Elî axivî û wiha got: ” Di vê rojê de em soza nûkirina têkoşîna xwe didin. Em cejna tevahiya jinên cîhanê pîroz dikin. Ev têkoşîn û pêngava Rêber Apo ya bi azadiya jinê da destpêkirin, ji bona tevahî jinên bindest e. Rêberê gelan da xuyakirin ku ev têkoşîn, têkoşîna jinê ye û got ku jin azad neb e, civak jî azad nabe. Li ser wê bingehê hemû jinên herêmê em ê xwe rêxistin bikin û bi têkoşin. Heya em azadiya Rêber Apo ya fizîkî pêk neyinin em weke jin jî azad nabin.”
Di berdewamiya şahiyê de Koma Hîlal El-Zehebî ya awazan û Koma Palmîra ya folklorê hûnera xwe ji jin û welatiyên amade ra pêşkêş kirin. Şahî bi gerandina govendê û gotina sitranan hat bidawî kirin.
