Ayşa Silêman/Dêrik
Kongira Star a bajarê Dêrikê bi dirûşmeya “Bi felsefeya Jin Jiyan Azadî ber bi Sûriyeke Demokrat ve” bernameyê xwe yê bi boneya 8’ê Adarê bi daxuyaniyekê eşkere kir.
Kongra Star a bajarê Dêrikê bi dirûşmeya “Bi felsefeya Jin Jiyan Azadî ber bi Sûriyeke Demokrat ve” bernameyê xwe yê 8’ê Adarê eşkere kir. Daxuyanî li pêş navenda Kongra Star a bajarê Dêrikê hate dayîn. Herwiha di daxuyaniyê de rêxistin û saziyên jin ên Rêveberiya Xweser beşdar bûn.
Bernameya Kampaniyê wiha ye:
-Wê hemû bajar bi rengê jinan bên xemilandin û dirûşmeya kampaniyê wê li hemû bajaran bê daleqandin.
– Li her qadê civînên berfireh bi beşdariya bi sedan jinên ji hemû beşên civakî bê li darxistin.
– Bi boneya 8’ê Adarê de li hemû komîn, gund û saziyên jinan semîner werin dayîn.
-Ji aliyê Hîlala Zêrîn ve wê stranek li ser jinên Sûriyê bê weşandin.
– Bi alîkariya Şaredariyê wê dar bên belavkirin li hemû nûqteyên Eskerî û wê gul wek diyarî wein dayîn ji Asayîşên li ser hacizan re.
– Di 8’ê Adarê de li ser asta kantona Qamişlo bi hilgirtina wêneyên şehîdan û alanên Kongira Star Şahiyek navendî wê were li darxistin.
