Hêvî Keleş/ Qamişlo
27’ê Sibata 2025’an çalakiyên xwarinê ya gelêrî li bajarê Qamişlo ji aliyê Saziya Malbatên Şehîdan ya Meclisa Jinan ve hat amadekirin.
Meclisa Jinan a Meclisa Malbatên Şehîdan a bajarê Qamişlo ji bo nîşandana çand û tama xwarinên gelêrî yên kurdî li ser asta kantona Cizîrê roja pêncşemê piştî nîvro, 27’ê Sibata 2025’an de çalakiyek ji bo çêkirina xwarinên gelêrî yên herêmê û pêşandana wan li hola Efrînê li dar xist.
Sifre bi gelek xwarinên gelêrî û folklorî yên ku bi destê jinên malbatên şehîdan li bajarê Qamişlo hatine çêkirin, hatine xemilandin.
Li herêmên Bakur û Rojhilatê Sûriyê xwarinên navdar di nav gelên herêmê de cihêreng in, lê ew xwe dispêrin malzemeyên hêsan û rêbaza amadekirinê ku bi nifşan re derbas dibe.
Tehmên ku mîrate û nasnameyê li hev dikin
Jinên Kurd ên parêzgeha Cizîrê bi xwarinên xwe yên ji gelên cuda û ji temenên cuda beşdarî çalakiyê bûn. Ev çalakî bi nêzîkbûna roja cîhanî ya jinan hat, ji bo nîşandana folklor û xwarinên herî bi nav û deng ên Kurdî li kantona Cezîrê, ji bajarên Hesekê, Dirbêsiyê, Amûdê, Dêrik û Qamişlo.
Beşdar Xaliya Qasim a ji Amûdê diyar kir ku wê dixwest xwarinên gelêrî yên li herêma xwe amade bike û ev çalakî ji bo jinên Kurd gaveke taybet e û wiha got: “Bi nêzîkbûna vê rojê, me xwest bi cil û bergên xwe û xwarinên xwe yên ku me û çanda me li herêmê pênase dikin, folklora xwe nîşan bidin.”
