Birûc Resûl/Qamişlo
Ji bo şopandina pergala Rêveberiya Xweser a Demokratîk ji nêz ve, Şandeyeke Birîtanî serdana Bakur û Rojhilatê Sûriyê kiriye. Îro şandeyê serdana Dêra Suriyaniyan a Katolîk a li bajarê Qamişlo kir. Şandeyê diyar kir ku ew ê piştgirî bidin sîstema Rêveberiya Xweser a Demokiratîk.
Ji ber ku Sîstema Rêveberiya Xweser a Demokratîk xwedî nasnameyek xurte û ji tevahî welatên cîhanê re bûye mînek, bala mirovan dikêşe. Di vê çarçoveyê de şandeyek Brîtanî bi armanca naskirina sîstema Rêveberiya Xweser a Demokratîk serdana herêma Bakur û Rojhilatê Sûriyê kir. Şande ji 4 kesayetên xwedî erk û nûnerên partiyên siyasî yên li Brîtaniyayê ne pêk tê.
Şande ji bo ku hevdîtinên xwe bi gelek cihan re pêk bîne û sîstema herêmê bi berfirehî nas bike, di heman demê de da ku hevgirtina hemû ol û baweriyan ku di herêmê de dijîn bibîne, wê berê xwe da herêmê. Şandeyê di destpêkê de serdana Partiya Yekîtiya Demokratîk (PYD) kir.
Di hevdîtinan de rewşa herêmê bigiştî, êrîşên dewleta Tirk û zerara ku bi xwe re tîne, hat nîqaşkirin. Şandeya ku eleqeyek mezin nîşanî pergala Rêveberiya Xweser a Demokratîk da, diyar kir ku ew ê vê pergalê ji bo Brîtanyayê weke mînak nîşan bidin. Di heman demê de ku çawa hemî pêkhate di nava xwe de digire û bi hezkirin jiyankirin.
Di heman çarçoveyê de şandeyê serdana Dêra Sûriyaniyan a Katolîk a li bajarê Qamişlo kir. Di dêrê de jî hemî pêkhateyan hazir bûn, kurd, ereb, suriyan, êzîdî, zerdeştî û elewî û her pêkhateyek nêrînên xwe gotin û astengiyên xwe yên di qirîza Sûriyê de jiyan kirina anîn ziman.
Şandeyê soz da ku wê ev serdana wan ji Rojavayê Kurdistanê re bi encam be û ew ê destek û alîkariyê bidin gelên Herêma Bakur û Rojhiltê Sûriyê, bi taybetî piştgiriyê bidin sîstema Rêveberiya Xweser. Her wiha şandeyê da zanîn ku pêwîste mafê kurdan di destûra nû a Sûriyê de were danîn û misogerkirin.
