Dilovan Kêfo/Amûdê
Bi merasîmeke girseyî şervanê QSD’ê Rêzan Orkêş li Amûdê hat oxirkirin. Di merasîmê de welatiyên Amûdê soza serxistina doza şehîdan, dan.
Welatiyê bajarê Amûdê bi merasîmeke girseyî şervana Hêza Sûriya Demokratîk`ê Rêzan Orkêş oxirkirin û soza şopandina rêya şehîdan û berxwedanê dan.
Bi sedan şêniyên bajarê Amûdê cenazeyê şervana QSD`ê Rêzan Orkêş li Goristana Şehîd Ismaîl Hogir a li Amûdê hat oxirkirin.
Merasîn bi deqeyek rêzgirtin li ser giyanê şehîdan hat rawistandin.
Piştre li ser navê Meclisa Malbatên Şehîdan Mihemed El-Ehmed sersaxî ji malbata şehîdan re xwest û wiha got: “Ji vir, ji vî cihê pîroz em bejna xwe li ber hemû şehîdan ditewînin. Îro şehîdê leheng Rêzan Orkêş jî tev li wan bû. Em ji malbata wê re dibêjin, serê we sax be. Me ji cîhanê re îsbat kir ku em tu carî tune nabin, wê bi hezaran Rêzanan werin dinyayê, ew ti carî namere. Bi hezaran şehîdan ji bo doza azadiyê xwe feda kirin. Em jî soza şopandina rêya wan û parastina doza azadiyê li ser şopa fikra Rêber Apo didin. Şehîd riya me ronîdike Şehîd tû carî namire di dilê me de hertim wê sax bin.
Di heman demê de li ser navê Fermandariya Hêza Sûriya Demokratîk Heval Kanî Ehmed axivî û wiha got: “Êriş û gefên dewleta Tirk a dagirker ên li dijî herêmê ji me re gelek tişt dan îsbat kir ku ev gelê berxwedêr hevgirtî ye. ji ber vê yekê em soz didin Rêber Abdullah Ocalan ku ji bo edaletê û wekheviyê em ê şopdarên şehîdan bin her wiha jî sersaxiyê ji malbata Şehîd Rêzan xwest, em ji mirinê mezintirin yê ku me ji hemû cîhanê çûda dikin ewe mirovê me ne qehremanê me ne an serkeftin an serkeftin.
Di heman çarçoveyê de bi navê Malbata Şehîde Rêzan kîwan kurimî bavê şehîd Rêzan axivî û wiha got: Gelê miletê bajarê Amûdê bere serê me û serê we saxbin ne tenê Rêzan lawê mine lawê we hemû yan ne, îro wê Rêzan bibe mêvanê Apê xwe , her wiha em dibêjin Şehîde namirê Şehîd namirê em şopdarê riya şehîdên xwe bin .Di dawiya merasîmê de wesîqeya şehadetê hat xwendin û ji bo malbata wê hat radestkirin.
Şehîd bi tilîliyên dayikan û siloganên “Şehîd Namirin” hat oxirkirin
