Birûc Resûl/Qamişlo
Gelên ku li bendava berxwedanê li ber xwe didin bi daxuyaniyekî ji bo raya giştî komploya 15’ê Sibatê şermezar kirin û biryara berdewamkirina têkoşînê heyanî azadiya fîzîkî ya Rêber Apo dan.
Li bendava şehîdan bi tevlîbûna gelên ku li bendava berxwedanê cih digrin daxuyaniyek ji bo 15`ê Sibatê roja komploya li ser Rêber Aop hat dayîn,.
Naveroka daxuyaniyê wiha bû.
Di dstpêka daxuyaniyê de wiha hat gotin: “Li ser navê gelê ku niha li bendava berxwedanê ya Tişrînê ji biçûk heya mezinan û bi hemû pêkhateyên xwe. Bi sekina berxwedaniyê û vîneke mezin em ji hêzên xwe yên ku niha di çeperên şer de QSD, YPJ û YPG’ê digirin. Wek tê zanîn ku hêzên me QSD`ê teror û çeteyên herî xeter di cîhanê de tune kirin ew jî DAIŞ bûn û jiyana gel ji xeteriyê xilas kirin. Her wiha em niha civakekî ku bi perwerdê hatiya mezin kirin û di heman demê de êdî em nema ew gelê ku bindestiyê dipejirîne, ji ber vê yekê em niha jiyanekî bi koletî û bindestî qebûl nakin, em ji her bedêlê re jî hazirin, tenê ji bo jiyanekî bi rûmet û azad. Belê wekî ku niha tê zanîn û xuyakirin dagirkeriya Tirk çawa êrişên xwe yên hovane li ser Bendava Tişrînê bi dijwarî pêk tîne, lê em jî gelên ku li ser fikir û felsefeya Rêber Abdullah Ocalan bi rêva diçin û ronahiyê dide jiyana me. Ev êrişên ku niha ji aliyê dewleta Tirk a faşîst li ser herêma Bakur û Rojhilatê Sûriyê dide meşandin tenê ji bo fikir û felsefeya ku gel ji Rêber Apo girtine ji holê were rakirin tê kirin û ev êriş li ser fikirê Rêber Apo ye.”
Di dawiya daxuyaniyê de hat diyar kirin ku pêwîste dewletên cîhanê ji bo tecrîda ku niha li ser Rêber Apo bê deng nemînin û azadiya wî ya fîzîkî pêk were û wiha hat domandin: “Ji bo raya giştî divê cîhan van êrişên dewleta Tirk a dagirker ku li ser herêmê û bi taybet li bendava Tişrînê û pira Qereqozaqê tê kirin rawistînin û xwe bê deng nekin, di heman demê de pêwîste azadiya Rêber Apo ya fîzîkî di hemekî herî nêz de pêk were, ji ber çareseriya pirsgirêka Rojhilata Navîn bi fikir û felsefeya Rêber Apo ancex pêk were.”
