Ronaz Silêman/Amûdê
Di bin dirûşmeya “Dem Dema Azadiya Rêber Apo ye” li navenda PYD’ê ya bajarê Amûdê civînek di derbarê komploya navnetewî û rewşa heyî hate lidarxistin. Herwiha di civînê de komplo hate şermezarkirin û heta tekezkirin ku wê armancên komplogeran bi azadiya Rêber Apo têk biçe.
Di çarçoveya rêzeçalakiyên ku ji bo
komploya navnetewî têne lidarxistin, îro li navenda Partiya Yekîtiya Demokratîk PYD’ê ya bajarê Amûdê civînek di bin dirûşmeya “Dem Dema Azadiya Rêber Apo ye” li ser komploya navnetewî ya li ser Rêber Apo hate lidarxistin. Di civînê de bi 100’an şêneyên bajarê Amûdê û gundewarên wê, rêxistinên civaka sivîl, sazî, meclis û komînên rêveberiya xweser beşdar bûn. Herwiha berî destpêkirina civînê kesên beşdarvan xuleyeke bêdengî li ser giyanê şehîdan rawestiyan.
Di civînê de armanca komploya li ser Rêber Apo hate diyarkirin ku dewletên li ser netewa kurdan kom bûne armanca wan ya sereke ew bû ku di şexsê Rêber Apo de PKK’ê tesfiye bikin. Li gorî xwe Rojhilata Navîn a nû ava bikin. Netewa kurd kole bihêlin. Rojhilata Navîn bi komkujiyan re rû bi rû bihêlin. Ev dewlet û hêzên heyî sed sal in gelê kurd di komkujiyan re derbas dikin, heger bixwazin wê deriyê çareseriyê vekin, lê heger nexwazin venakin. Tê gotin ku SPT rêxistineke serbixwe ye, lê SPT girêdayî navnetewî ye û li gorî wê tê birêvebirin.
Di civînê de hate eşkerekirin ku Rêber Apo ji bo guhertinên mezin xwe amade dike û wiha hate got: “Niha ji bo pêvajoya heyî Rêber Apo ji bo guhertinên mezin xwe amade dike, li ser vê pêvajoyê tê nîqaşkirin û di demên nêz de wê peyamên Rêber Apo bêne diyarkirin. Ji bo wê di vê demê de yekbûna me tê xwestin. Ji bo ku em rejîm û giropên tarî bişkînin. Herwiha Azadiya Rêber Apo bi hev re jiyan bikin.”
Di dawiya civînê de hin pirs ji aliyê kesên beşdarvan hate kirin û bersivan van pirsan heta dayîn. Herwiha siloganên “Bê Serok Jiyan nabe” hatin bezandin.
