Amara Baran / Qamişlo
Rojnamevan Enes Yildiz diyarkir ku Dewleta Tirk a dagirker bi êrîşên xwe yên ser Bakur û Rojhilatê Sûriyê de, hewil dide bi kumkujî û gef xwarina li ser rojnamevanan dengê heqîqetê tune bike.
Rojnamevan Enes Yildiz ku li bendava tişrînê de şahidî ji berxwedaniya gel û şervanan re kiriye divê çarçoveyê de ji rojnameya me re axivî.
‘Armanca dewleta tirk ew bû ku herêma firatê bike bin dagirkeriya xwe’
Enes yildiz got ku ” Piştê geşedanên ku li Sûriyê çêbûn bi taybet di 7.8 ‘ê Kanûnê de êrîşên Dewleta Tirk û komên girêdayê wê li ser Minbic, Bendava Tişrînê û Pira Karaqozaqê pêk hatin. Dewleta tirk bi gef û êrîşan hem bejahî hemjî bi balafirên xwe giranî da ser bendava Tişrîn û pira karaqozaqê. Piştî 10 roj şunda şer û pevçûnên ku pêk hatin yek armancê dewleta tirk hebû û dixwast bi komên xwe yên çete hem dixwast pira koraqozaqê û bendava Tişrînê derbasbike, di şer û pevçûnên ku 4 rojên destpêkê ku li bendava tişrînê pêk hat wek rojnamevan me xwe gîhand wê deverê û hem şerê ku li wir diqewime hem jî hewildanên dewleta tirk a dagirker ku dixwast pira karaqozaqê dagir bike şopand. Ew jî dihat wê wateyê ku derdora kobanê Sirîn, Eyn Îsa hemû dorpêç bike, lê plana ku dixwast nekarî pêk bîne û ew êrîşên wan ji aliyê QSD ‘ê û meclîsa leşkeri ya Minbicê ve hatin têkbirin.”
Bi balafiran sûcên dermirovî pêk tîne’
Enes wiha got ” 50 roj zêdetire şervanê QSD û YPJ’ê di çeperan de liberxwe didin. Li ser bangawaziya Rêveberiya xweser a demokratîk bangawazî hat kirin ku gelê Bakur û Rojhilatê Sûriyê ji bo parastina av, ax, û enerjiya xwe bikin berê xwe bidin bendava Tişrînê û zêdeyî 20 rojane ku gel li bendavê nobet digre. Dewleta Tirk piştî ku dît berxwedaniyeke bêhempa ji aliyê şervan û gel ve tê meşandin, êdî naskir ku nikare bi komên çeteyên xwe êrîşên xwe berfireh bike li ser Bakur û Rojhilatê Sûriyê û bendava Tişrîn û Karaqozaqê zêdetir giranî da balafirên keşfê. Piştî 5’ê çileyê Dewleta Tirk bi balafirên şer yên EF 16 jî kirin tevgerê.
‘Şervan ji bo parastina axa xwe bi bîr û bawerî şer dikin’
Enes wiha got ” Ji 2014’an heta niha geşedanên ku li Kobanê, Şengal û 2016 li Minbicê, û wiha di gelek bajarên Bakûr û Rojhilatê Suriyê de heta Reqayê gelek şervan bi çeka xwe li dijî DAIŞ’ê şer kirin û wiha domand” îro jî bi wê bîr û baweriyê ji bo parastina civaka kurd û ji bo gelê heremê şer dikin. Gelê Bakûr û Rojhilatê Sûriyê dema dibêje em xwedî fikir û felsefeyekîne û xwediyê vê axêne ew jî dide eşkerekirin ku gelekî ku xwedî îradeyek polaye. Cûdabûna QSD’ê bi fikir û ramaneke ji bo parastina gelê xwe canê xwe datînin holê. Ev 50’î rojin ku li bendava Tişrînê rûxmê hemû zor û zehmetiyan di eniya herê pêş de li dijî dagirkeriye û planên wan şer dikin. Di dîrokê de yên ku herî zêde lehengiyê dikin şervanên kurdin yên ku vî dinivîsên jî dayîk û rojnamevanên kurdin. Gelê heremê û kesayetên navdar û welatiyên Bakur û Rojhilatê Sûriyê û hevalên me yên Rojnamevan, şanogerê kurd Bavê Teyar û gelek kesayetên bi nirx canê xwe fedakirin, rûxmê wê jî gelê heremê soza tolhildana wan dide û dibêje ku em şopdarê şehîdên xwe ne. ”
‘Di nav komên çeteyan de gelek çeteyên biyanî cîh digrin’
Enes bibîrxist ku ” Hesab û planên ku Dewleta Tirk dixwast pêk bîne du mehên xwe tije dike, bi hezaran çeteyên dewleta tirk hatin kuştin ew komên ku bi SMO bi navdikin û di nav wan koman de jî gelek çeteyên bîyanî ku ji wan re ozbek û çeçen dibêjin jî bi hemû hewildan û planên ku çêdikirin bi ser nedixistin. Şervanên YPJ’ê û yên QSD û gelê heremê ew planê ku li ser giştî Bakur û Rojhilatê Sûriyê hebû têkbirin. Dewleta Tirk gelek sûcên şer pêk anî û bi balafirên şer gelek kumkujî li ser gel pêkanîn.”
‘Dewleta tirk hesab dikir ku herema Firatê dagir bike’
Enes anî ziman ku “Fermandarên QSD’ê di daxuyaniyên xwe de jî dibêjin ku çi dibe bila bibe em ê rê nedin ku dewleta tirk bi wan komên çete rojhilatê Firatê dagir bike. Geşedanên ku di 27 Mijdrê de çêbûn piştî ketina Rejîma Baas a Beşar Esed du tişt hebûn heyet tehrîr el şam berê xwe da şam, himis, hama û wan hemû dever kirin bin desthilatiya xwe de. Dewleta tirk jî hesab dikir ku bi komên xwe yên çete rojhilatê firatê dagir bike. Berê jî li ser Rêveberiya xweser gef hebûn ku dixwastin giştî destkeftiyên gelê heremê bi gef û êrîşên xwe têk bibin. Dewleta Tirk bi firok û teknîka xwe armanc dike ku bendava Tişrîn û Pira Karaqozaqê re derbasê bajarê Reqa, Tepqa bibe û Kobanê dorpêç bike û giştî destkeftiyên heremê têk bibin, lê berxwedaniya ku şervanên YPJ û QSD’ê dane meşandin planên wan hemû valederxistin.”
‘Şahadeta Nazim û Cîhan ji bona me pir bi êş bû’
Enes diyarkir ku ” Di 19’ê Kanûnê de du hevalên me yên rojnamevan Nazim Daştan û Cîhan Bîlgîn ku ji destpêkê de ji pira Karaqozaqê bigre heta Bendava Tişrînê ku li heremê çi diqewime bi pênûs û kamereya xwe ji raya giştî re ragihandin kedeke bêhempa dan meşandin. Dewleta tirk ji ber ku rastiyên ku herdû hevalan ji cîhanê re radigahindin tehemul nekir û bi balafireke bê mirov ew qetil kirin. Wek rojnamevanekê ji bo min kêliyeke gelek bi êş bû û min piştî şahadeta wan got ku ez gav paşda navêjim û min careke din hewilda ku li bendava Tişrînê çi diqewime û berxwedaniya ku tê meşandin hin zêdetir ji raya giştî re ragihînim. Her wiha çi dibe bila bibe em ê wek rojnamevan dev ji heqîqetê bernedin û heta dawiyê li ser şopa heqîqetê bimeşin. “
