Ayşa Silêman/ Qamişlo
Ji bo şermezarkirina beşdarbûna serçeteyên sûcdar di desthilata Şamê de, jinên koçber ên Efrîn û Şehbayê li bajarê Qamişlo daxuyaniyek dan.
Jinên Efrîn û Şehbayê li pêşiya komîna şehîd Semîra ya koçberên Şehba û Efrînê li bajarê Qamişlo bi beşdarbûna bi dehan jînên koçber daxuyaniyek dan. Di destpêka daxuyaniyê de bal hat kişandin li ser bajarê Efrînê û gundewarên wê, ji dema dagirkirina wê ji aliyê faşîzma Tirkiyê û çeteyên girêdayî wê ve, ew bûye şahidê binpêkirinên giran di warê mafên mirovan û yasayên mirovî yên navdewletî de, ji koçberkirina bi darê zorê, guhertina demografî, kuştin, revandin, windakirina bi zorê, desteserkirina mal û milkan, sepandina heqdestan, wêrankirina binesaziyê, işkence bi hemû şêweyên wê û binpêkirinên din li ser destê komên çete û di bin de çavdêriya îstîxbarata Tirk de.
Di berdewamiya daxuyaniyê de wiha hat gotin: “Jinên Efrînê para herî mezin jê re bû ji binpêkirinan, kuştin, revandin, îşkencekirin, zewaca bi darê zorê û destavêtin, nexasim rewşên kêfî yên ku di encama dagirkirina herêma xwe de û koçberkirina bi darê zorê ya dûbare li ser wan derbas bûn. Koçberkirina wan ber bi herêmên Şehbayê ve, yek ji binpêkirinên herî hovane yên li dijî jinan, temsîlkirina bi termê têkoşer Barîn Kobanî bû, piştî şehadeta wê li ser destên komên çete di Sibata 2018’an de, Sekertêra Giştî a Partiya Sûriyeya Pêşerojê “Hevrîn Xelef” di 12’ê Cotmeha 2019’an de, li ser destê çeteyên Ehrar El-Şerqiyê bi serkirdayetiya serçeteyê bi navê “Hatim Ebû Şeqra” û parçekirina laşê wê .Ev tawan û tawanên din li gor rêxistinên mafên mirovan yên navnetewî wek tawanên şer ên li dijî mirovahiyê û jenosîdê ne.”
Di dawiya daxuyaniyê de jinên Efrîn û Şehbayê dan zanîn ku ew bûne qurbaniyên binpêkirinên komên çete û tawanên li dijî wan hatine kirin, hebûna terorîstan yên wekî Hatem Ebû Şeqra serkirdeyê koma Ehrar El-Şerqiyê û Mihemed Alcolanî serçeteyê koma Emşat di nava Desthiltdariya Şamê ya nû şermezar dikin û wiha gotin: “Hisên El-Casîm, serkirdeyê koma El-Emşat, li Koşka Gel li Şamê di dema ku navê wê Konferansa Serkeftinê li Şamê hate kirin û ew kes in ku destên wan di rijandina xwîna gelên Sûriyê, pêşengên mîna Hevrîn Xelef û Barîn Kobanî, bêyî ku behsa koçberkirina bi darê zorê ya Efrîniyên mayî ji herêmên wan, talankirin, birîna darên berdar, dizîna mal û milkên koçberên bi darê zorê û pêkanîna tawanên wan li dijî Efrînê bikin. Li ser vê bingehê em bang li sazî û dezgehên mafên mirovan yên pispor ên parastina mafên mirovan dikin ku dosyaya xwe û yên wekî wan radestî Dadgeha Cezayê ya Navnetewî bikin da ku li gorî qanûnên di meriyetê de hesab ji wan bipirsin, cezayên herî giran li wan bixin. û ji bo vegera awareyan bo malên xwe kar bikin”.
