Ayşa Silêman/ Qamişlo
Îro 10’an endamên Ragihandina Azad û endamên Meclisa Malbatên Şehîdan li bajarê Qamişlo 40 rojiya Şehîd Cîhan Bilgîn û Nazim Daştan bibîr anîn.
Endamên Ragihandina Azad û endamên Meclisa Malbatên Şehîdan li goristana Şehîd Delîl Saxroxan a bajarê Qamişlo du endamên ragihandina azad Cîhan Bilgîn û Nazim Daştan ên ku li bendava Tişrînê şehîd ketibûn bibîr anîn.
Bîranîn bi xuleyek bêdengî li ser giyanê şehîdan dest pê kir, paşê li ser navê Ragihandina Azad Ehmed Mihemed
40 roja herdu hevalên xwe bibîr anî û wiha got: ” Li cîhanê giştî di zagonên navdewletî de pêwîste sivîl û rojamevan neyên hedef girtin, lê tişta ku îro roj tê dîtin ku çawa sivîl û rojnamevanan li bendava Tişrînê ji aliyê dewleta Tirk a dagirker ve tên hedefdigrtin û rastî bêdengiyeke Navdewletî tên. Bi vê boneyê em dixwazin ji hemû gelên herêma Bakur û Rojhilatê Sûrî û hemû navendên Ragihandinê re, bi taybet Malbata Nazim û Cîhan re tekez bikin ku tucarî pênûs û kemîreya me nasekine û em ê her tim rastiyê derxin, di serî de sûcên dijmirovî yên ku dagirkerî li Bakur û Rojhilatê Sûriyê dike ragihînin.”
Di berdewamiya bîranînê de li ser navê Meclisa Jin a Malbatên Şehîdan Hêvî Seyîd axivî û wiha got: “Di destpêkê
de em şehadeta wan bi bîr tîn û ji malbata wan re sersaxiyê dixwazin. Şehîd namirin û wê hertim dibîra me de bin. Dewleta dagirker hertim şopdarên rastiyê dike hedef û hewildide rastiya xwe veşêre. Em tucarî kemîre û pênûsa Cîhan û Nazim li erdê nahêlin. Heger yek ji me şehîd dikeve wê bidehan xort û keçên me li ser şopa wan bin. Em ê hertim soza xwe nû bikin û doza wan berdewam bikin.”
