Dîlan Mulhim \Qamişlo
Şîniyên bajarê Qamişlo li goristana Şehîd Delîl Saroxan bi merasîmeke girseyî 7 şervanên QSD`ê hatin oxirkirin.
Îro di seat 11’an de li goristana pakrewanên azadiyê ya Delîl Saroxan, li bajarê Qamişlo bi merasîmeke girseyî 7 şervanên QSD’ê bi navê Şêrzat Qamişlo, Kato Qamişlo, Çiya Qamişlo,Harûr Qamişlo,Kenco Qamişlo, Ibrahîm Murad û Ceger Serêxaniyê ên ku di encama êrişên dewleta Tirk a dagirker li ser Bendava Tişrînê şehîd bûn hatin oxirkirin. Herwiha di merasîma oxirkirinê de bi hezaran şîniyên bajarê Qamişlo, endamên Saziyên Rêveberiya Xweser û Civaka Sivîl beşdarbûn.
Merasîm bi deqeyek rêzgirtin li ser giyanê şehîdan hat destpêkirin.
Piştre li ser navê Saziya Malbatê Şehîdan Umer Mûsa axivî: “Rêber Apo dibêje kar û qehremantî ne tenê karê
Mezlûm û Egîdaye bi hezaran keç û xortên kurd ew qehrmantiya di hundirê xwe de afirandin. Herwiha Rêber Apo dibêje ku gelê kurd gelekî qehreman û çi qasî êrişî li ser gelê me were kirin divê em mezintirîn qehremantiya xwe lidarxînin û destkeftiyên xwe biparêzin. Di heman demê de dewleta Tirk a dagirker bi hemû şêwazên dagirkeriyê êrişî gelê kurd dike, dixwaze armancê xwe pêkbîne û tevahiya axa Sûriyê dagir bike. Dewleta Tirk bi alîkariya hêzên tûndrew êrişî gelê kurd dike, lê em nahên ku dagirkeriya Tirk bigihêje armanca xwe. Bi hemû pêkhateyên Sûriyê emê biratiya gelen pêkbînin û nahên pilanên dewleta Tirk pêk werin. Herwiha heta roja îro berxwedaniyeke bêhempa li Bendava Tişrînê ji aliyê gel û şervanan ve tê kirin.”
Herwiha li ser navê Hêzên Leşkerî Nezîr Sofî axivî û got: “Em sersaxiyê ji malbatên şehîdan re dixwazin û bi taybet şehîdên her çar parçeyên kurdistanê ên ku di dîroka gelê kurd û kurdistanê de jiyana xwe feda kirine ji bo gelê
xwe, şopdariya xeta şehîd wê gavek bê li hemberî hovîtiya dijmin li her çar parçeyên kurdistanê û bi taybet herêma Bakur û Rojhilatê Sûriyê. Di heman demê de Bendava Tişrînê bûye bendava berxwedanê ya ku Şehîd Mezlûm digot Berxwedan jiyane niha li bendavê berxwedan jiyana kir û bi fikir û ramanên Rêber Apo dane meşandin. Herwiha cihên xwe di dîroka gelê kurd û kurdistanê de bi xetên zêrîn danîn û ew jî şehîdin û divê gel bi hêz, coş û kelecaneke hîn mezintir piştgrtiya hêzên xwe ên QSD`ê bikin .”
Di dawiya merasîmê de wesîqeyên şehîdan hate xwendin û radestî malbatên wan hatin kirin, cenazeyê şehîd Ibrahîm Murad û Ceger Serêxaniyê sipartin axê. Lê cenazeyên 5 şervanên QSD’ yên bi navê Şêrzat Qamişlo, Kato Qamişlo, Çiya Qamişlo,Hanûr Qamişlo û Kenco Qamişlo merasîma wan bi rengekî xiyabî hatin kirin.
