Dilovan Kêfo/Amûdê
Bi sedema ku herêm ji zext û aloziyan rizgar bibe û hêviya gel vegerîne û ronahiyê derbasî jiyana hemû pêkhateyan bike, di 21 ê Çileya 2014’an de, Rêveberiya Xweseriya Demoqratîk ya Bakur û Rojhilatê Sûriyê hat damezirandin. Roja 21 ê meha çile, salvegera 11’emîn a damezirandina Rêveberiya Xweser li herêma Cizîrê ye. Rêveberiya Xweser a ku bû ciheke aram bi ewle ji bo sed hezara keç xortên hemû pêkhateyên milet me ji kurd,Ereb,Suryan,Aşûr û Ermen û di nava xwe de hemû bawerî û olên mîna Musilman,Êzîdî,û Xiristiyan li herêmên xwe bihevra parastin
Di aliyê Rêveberiya Xweser a Kantona Cizîrê bi boneya damezirandina salvegerê ya Rêveberiya Xweser de daxuyaniyek niviskî hat dayin. Li ser navê Rêveberiya Xweser Hesen Şero Hevserokê Encûmena Cîbicîkar ya Kantona Cizîrê daxuyanî hat xwendin.
Rêveberiya Xweser di aliyê xizmetgûzarî de, xebatên bêhempa dan meşandin
Di daxuyanîyê de, damezirandina Rêveberiya Xweser hat pîroz kirin û wiha hat gotin: “Di demeke ku hemû deverên din ên Sûriyeyê di nava aloziyeke tund de bû, pêkhateyên di herêmên Rêveberiya Xweser, bi serkêşiya jinê, bi hevre nirxê şoreşê diparastin,pêşketin û avakirin. Di heman demê de, rengê buhara gelan ji bo hemû Sûriyekê azad di afirandin. Îro jî, vê qonaxa hestiyar de û bi taybet piştî ketina rêjîma faşîst a ku Sûriyê gihand xeterî û metirsiyê, projeya Rêveberiya Xweser li Bakur û Rojhilatê Sûriyê bi hemû nirx û rêbazên demokrat, mînakên çareserî û hêviya pêkhateyên tevahî Sûriyê ye. Piştî 10 salan û zêdetir, Rêveberiya Xweser isbat kir ku dikare vê qonaxê birêve bibe û projeya neteweyî ya ku afirandin dibe û nexşeyeke ji bo Sûriyêke nû û gel ji bermahiyên siyaseta rêjîmê ya şaş xilas dike. Ji bo berxwedaniya neteweyî û yên gelê Sûriyê ye û ji ber ku em mînakên yekemîn di avakirina Rêveberiya Xweser li Sûriyê bûn. Em amade ne bi hemû hêza xwe ji bo avakirina Sûriyêkî biewle, wekhev û aştîxwaz bibin alîkar. Em îro şehîdên xwe bibîr tînin. Ew lehengên şerê li dijî terorê kirin, ji bo avakirina welatekî wekhev de hebe û bi xwîna xwe têkoşîn birêveberin. Em gelê xwe silav dikin.Bi têkoşîn û berxwedana gelê me û girêdana wan bi xaka Bakur û Rojhilatê Sûriyê ve, piştî 10 salan ji hemû cîhanê re diyar kirin ku mînaka berxwedaniyeke bêhempa li herêmên me dihate meşandin. Em berxwedaniya lehengên di çeperên şer de li bajarê Arîn Mîrkanan silav dikin. Ew lehengên ku me û tevahî cîhanê ji kiryarên terorî û derveyî zagonî diparêzin. Îro dewleta Tirk ya dagirker û çeteyên wê êrîşên hovane bi ser Bendava Tişrînê pêktînin. Armanc êrîşen dewleta Tirk ya dagirker guhertina demografiya tevahî Sûriyê û talankirin û qirkirina gelê Kurd û herêmê ye. Kiryarên dewleta Tirk ya dagirker îro berdewamiya kiryarên rêjîma hilweşiya ye. Ji ber wê sedemê piştî ketina rêjîma ku 50 salî zilm û zext li ser herêmê dimeşand, gel hêvî dikir ku, jiyaneke aram bijî. Lê mixabin dewleta Tirk ya dagirker pêşî li vê aramiyê digire û naxwaze aramî bikeve herêmê. Di dawiyê de em soz didin gelê xwe,em ê têkoşîn û berxwedanê bi hemû hêza xwe li ser hemû qadan bikin û em ê ji bo berjewendiyên gel û bi daxwazên wan heta dawî kar û xebatê xwe bidin domandin.”
