Dilovan kêfo/Amûdê
Ji bo piştgiriya şervanên YPG, YPJ û QSD’ê ku li bendava Tişrîn û gundewarên Minbicê berxwedaneke dîrokî didin meşandin û bi armanca şermezarkirina êrişên dagirkeriya Tirk ên li ser Bendava Tişrînê welatiyên Amûdê daketin qadan.
Têkildarî piştgiriya QSD’ê ku li Bendava Tişrîn û gundewarên Minbicê berxwedaneke dîrokî dide meşandin û bi armanca şermezarkirina êrişên dagirkeriya Tirk ên li ser Bendava Tişrînê, hem jî hedefgirtina sivîlan îro welatiyên Amûdê bi pêşengtiya Insyatîfa Gel a bajêr daketin qadan.
Hejmareke pir mezin ji şêniyên bajarê Amûdê bi keç, xort, jin, zarok û kalên xwe ve bi coşeke mezin tevlî meşê bûn. Hêjayî bibîrxistinê ye ku meş ji qada Jinê destpê kir û li qada Şehîd Cîhad hat domandin û veguherî mîtîng.
Piştî wê hemû şênî deqeyeke rêzgirtinê li ser giyanê şehîdan rawestiyan
Herwiha bi navê bajarê Amûdê û gûndewrên wê, Mura Zoro wiha got: “Em êrişên dewlete Tirk ya dagirker, şermezar dikin. Banga hemû gelên xwe dikin ku em ji şervanên xwe re bibin pişt. Em ji hêza xwe re tekez dikin ku gel li pişta we ye û çi ji me bê xwestin em ameda ne. Em soz didin ku dê li ser riya şehîdên xwe bin, herbijî berxwedana Bendava Tişrînê wê serkeftin her tim para me be.”
Herî dawî meş bi silogana “Berxwedan Jiyan e, Bijî QSD’ê, Bijî Berxwedana Bendava Tişrînê û Şehîd Namirin.” bi dawî bû.
