Birûc Resûl/Qamişlo
Di çarçoveya êrişên dewleta Tirk a dagirker û çeteyên wê û li hember dibêtiya hewldanên derxistina fitneyê di navbera pêkhateyên li Bakûr û Rojhilatê Sûriyeyê de Kongra Star a taxa El-Tey civîn ji gel re darxistin.
Meclîsa Kongra Star ya taxa El Tey a bajarê Qamişlo, têkildarî êrişên dewleta Tirk a dagirker û çeteyên wê û li hember dibêtiya hewldanên derxistina fitneyê di navbera pêkhateyên li Bakûr û Rojhilatê Sûriyeyê bi gel re civîyan. Her wiha bi dehan jinên taxa El-Tey di civînê de hazir bûn. Di heman demê de civîn li 3 cihan hat li dar xistin, li Kongra Star, Komîna şehîd Orhan û Dogan.
Civîn bi deqeyek rêzgirtin li ser giyanên şehîdan hat destpêkirin.
Piştre di çarçoveya rewşa heyê ku li Bakur û Rojhilatê Suriyê tê qewmandin nerxandin û nîqaş hat kirin. her wiha Rêvebera Kongra Star a taxa El-Tey Yasmîn Îsa balkişand ser êrişên dewleta Tirk a dagirker û tevlîheviya ku di nava pêkhateyan de çêdike û wiha Got: “Armanca me ji vê civînê, ew e ku gelê me bi şerê taybet yê ku dewleta Tirk a dagirker di nava pêkhateyan de dide meşandin, bandor nebin. Wek tê zanîn ku dagirkeriya Tirkiyê ji hemû aliyan ve êrişê herêma Bakur û Rojhilatê Suriyê dike, bi hemî cûreyên şer hem leşkerî û derûnî. Lê niha şerê taybet girantire ji şerê leşkerî û bi pisklojiya gel leystandin û bandorî li ser wan kirin, wê demê tevlîhevî di herêmê de wê zêde bibe. Pêwîste her welatiyek bi baldarî û zanebûn nêzî hev bibin. Îro me şoreşek mezin daye avakirin û ev şoreş jî deng vedaye tevahî cîhanê û bi taybet têkoşîna jin derkert holê. Pêwîste em bibin bersiv ji dijmin re ne ku em bikevin bin bandoriya şerê taybet yê ku dixwaze gelê herêmê bide helandin. Em bibin yek dest û piştgirya hev bikin.”
Di heman çarçoveyê de Rêvebera Komîteya Tendirostî a Kongra Star Îman Ehmed diyar kir ku ew bê navber ji bo parastina gel ji şerê derûnî ku li ser herêma Bakur û Rojhilatê Suriyê tê meşandin, nîqaş û civîn li dar dixin û wiha domand: “Di van demên dawî de şer li ser herêma Bakur û Rojhilatê Sûriyê bê navber didome, her wiha dewleta Tirk a dagirker armanca wî ji van êrişan, berdewamkirina armancên berê ne, duxwaze kurdan qir û tune bike. Ji ber vê yekê niha em dibînin ku çawa dixwazin tevlîheviyê di navbera kurd û ereban de bidin çêkirin û li dijî hev rabin. Ew bi hemû awayê êrişên xwe nikarîbû herêma Bakur û Rojhilatê Sûriyê ji ewlehiyê derbixe, niha jî dixwaze bi rêbazekî qirêj ku di navbera pêkhateyan tevlîheviyê derbixin û wan li dijî hev derxîne. Lê bila zanibe ku em zarokên şoreşê û kedê ne, wê nikaribe ewlehiya me xerabikin.”
