Argêş Vîyan/Qamişlo
Di 13’ê Çile a 2025’an li bajarê Qamişlo taxa Siyahî hola Nuredîn Zaza di aliyê Partiya Demoqrat a Pêşverû ya Kurd li Sûriyê (PDPKS) bi sernavê “Sûriya pêşerojê” û “rista kurdan di Sûriya pêşerojê de” komxebatek ji bona ragihandin û aliyên kurdî hat lidarxistin.
Komxebata ku demijmer 16:30 bi rêzgirtina ji bona şehîdên şoreşa Kurdistanê destpêkir û heya demên dirêj bi gotûbejin mevanên tevlî komxebatê bibûn berdewam kir. Di desteya amadekar ya komxebatê de, Dr.Selah Derwêş Sekreterê Partiya Demoqrat Pêşverû a Sûriyê, li ser navê ofisa siyasî ya partiyê Midya Eko û Mîdas Azîzî jî di dîwana komxebatê de amade bûn. Endamên Partiya Demoqrat Pêşverû a Sûriyê û endamên partiyên din yên aliyê kurdî di komxebatê de wek mêvan bicîh girtin.
Di komxebatê de, yêkrêziya Kurdî û rista partiyên Kurdî hatin gotûbêj kirin
Li ser navê desteya amadekar a komxebatê Mîdya Eko Cîvîn bi rêvedibir. Destpêkê Mîdya Eko axîvî û wiha got: “Em wek endamên partiya Demoqrat a Pêşverû ya Kurd li Sûriyê keyfxweşin ku ji bona Sûriya pêşerojê bi avakirin de, weke aliyek kurdî cîh bigirin. Ev ji bona me cihê serbilindî û ristek hêja ye. Ji ber ku em li vir pêşeroja Sûriyê gotûbêj dikin, lê heya em yêkitî ava nekin em nikarin rola me di aliyên kurdî tên xwestin pêk bînin. Hilweşandina rejîma Baas’ê ya hişmendiya netewperest carekê de pêk nehat. Ev têkoşîna gelên Bakur û Rojhilatê Sûriyê ya bi salan bû. Ev tişt mîrateya mamoste Hecî Hemîd Dervîş jî bû. Dildarê yêkiti û serkeftina Kurdî bû. Em ji hezdikin hemû aliyên kurdî bi nakokiyên naxweyi bidin cihekî bibin yêk rêz yêk fikir. Ji bona em di Sûriye pêşerojê de bibin xwedî mafên xwe yên ku me hatine sitandin. Pêwîste em mîrateya wî û şehîdên şoreşa azadiyê pêk bînin. Ji ber wê yekê me ev civîne pêkanîn.”
Sekreterê Partiya Demoqrat Pêşverû a Sûriyê Selah Derwêş destpekê mevanên ku tevlî komxebatê bibûn xêrhatina wan kir û nêrinên xwe wiha anî li ser ziman: “Di Sûriyê de gelek pêşketinên nû çibûn. Rejîma Baas jî hilweşiya. Em rojekê dema çûn li Rûsya û me li gel rayedarên Rûsî hevdîtin pêkanî û gotin rejîm nayê kontrol kirin û di bin serweriya me derketiye. Yanî vekirî digotin me rejîm di bin serweriyê de digirt û êdî me ne dikarî em bidin sekinandin. Yanî hêza rejîma Baas’ê nemaye û nikare Sûriyê biparêze û banga têkçuyina rejîmê dikirin. Îran û Rûsya parastina wê dikirin û têkçû. Ji ber wê yekê rojeva hemû cihanê hat gûhertin. Ji bona Sûriya nû avakirina nûve em çawa bikin û çi bikin pirsên wiha derketin holê. Piştî têkçuyina rejîma Baas’ê HTŞ û komên çete li ser desthilatiya Şamê cihgirtin. Ebû Mihemed El Colanî yê niha seroktiya hikûmeta demkî ya Şamê dike, DAIŞ’ê û El Nûsra de cih girtiye û evqasî komkujiyan de biçalak cih girtiye. Gelek pêkhate Sûriyê cih digirin bi vê hişmendiye Sûriyê rêvebib e. Niha hêza herî bingehîn û xurt Kurdin. Lê tenê kemasiyên me hene em ne yekin. Ji ber wê yekê dibe em aliyên Kurdî bibin yêk. Emê wê demê bikarin plansaziya Sûriya pêşerojê daynin. Em spasiya xwe PYD’ê û Fermandarê QSD’ê Mazlum Ebdî jî dikin ji bona hewildanên wan yên yêkitiya kurdî û pêşeroja Sûriyê.”
Endamê ofîsa siyasî a partiya Pêşverû a Sûriyê Mîdas Azîzî wiha axifî: “Em jî keyfxweşin ku wek endamên ofisa siyasî bi pêşeroja Sûriyê nîqaş dikin. Lê weke mamoste Selah anî ser ziman em dema wê nîqaş dikin yekitî û yêkrêziyê divê em bîrnekin. Ji ber em Kurdistanî ne, ti cûdahîyên din navber me de nîn e. Piştî li Tirkiyê hevdîtînên li gel Rêber Apo jî em pi keyfxweş kirin. Mam Celal û Rêber Apo jiyana xwe hemû ji bona doza Kurdistanê feda kirin. Em jî hem weke mamoste Midya anî ser ziman mirateya Hecî Hemîd, Mam Celal û Rêber Apo emê yêkitiya kurdî pêk bînin. Em dîsa spasiya hemû aliyên ku di yêkrêziya kurdî de ked didin dikin.”
Piştî axaftinên endamên Partiya Demoqrat Pêşverû a Sûriyê, mêvanên di tevlî komxebatê bibûn, pirsên xwe di derheqê pêşeroja Sûriyê û plansaziyên partiyê de kirin. Komxebat bi piştî pirsên mêvanan û endamên partiyên siyasî ên kurdî bi dawî bû.
