Dîlan Mulhim\ Qamişlo
Ciwanên Partiya Yekêtiya Dîmokratîk PYD’ ê li ser asta bajarê Qamişlo, derbarê rewşa Sûriyê, êrişên li ser herêmê û girîngiya rêxistibûyîna civakê, li navenda Mihemed Şêxo ya bajarê Qamişlo civînek lidar xist.
Îro, di derbarê geşedanên dawî li herêmê û seferberiya giştî ya ku Rêveberiya Xweser ragihandî, herwiha girîngiya piştgiriya QSD’ê û tevlîbûna ciwanan di nava seferberiyê de, Ciwanên Partiya Yêkêtiya Dîmokratîk PYD’ê li ser asta bajarê Qamişlo civînek li navenda Mihmed Şêxo lidar xist.
Di civînê de ciwanên bajarê Qamişlo, endamên saziyên Rêveberiya Xweser û bi dehan mamoste beşadar bûn.
Di destpêka civînê de hemû kesên beşdar bi xuleyek bêdengî li ser giyanê şehîdan rawestiyan.
Di destpêka civînê de rewşa Sûriyê bi giştî, Bakur û Rojhilatê Sûriyê bi taybet hat nirxandin, herwiha planên dagirkeriya Tirk û êrişên wê yên li ser herêmê hat vegotin.
Di dewam civînê de tekezî li ser rola ciwanan ya di nava seferberiya ku piştî êrişên dagirkeriya Tirk, li Bakur û Rojhilatê Sûriyê hate ragehandin, hat kirin. Herwiha ji ciwanan hat xwestin ku bi erk û misyona xwe rabin û li hemberî êrişan cihê xwe di nava hêzên leşkerî de bigrin.
Di dawiya civînê de bal hat kişandin li ser berxwedana şervanên QSD’ê û YPJ’ê li bendava Tişrîn û Pira Qereqozaqê, herwiha nobeta gel ya li bendavê hat silavkirin.
