Argêş Vîyan/Qamişlo
Di çarçoveya Şerê Gelê Şoreşgerî û hîma xweparastinê de, ji aliyê fermandariya QSD’ê banga seferberiyê hatibû ragihandin. Niştecîhên taxa Şehîd Cudî daxuyanîyekî niviskî tevlîbûna xwe ya pêvajoya seferberiyê dan diyar kirin.
Gelê Bakur û Rojhilatê Sûriyê ji bona tevlî bangawaziya seferberiyê bibin di nava liv û tevgerê de ne. Welatiyên bajarê Qamişlo roja banga seferberiyê hate kirin tax bi tax ragihandin ku gel hêz û şervanên xwe ne. Li ser wê bingehê Taxa Şehîd Cûdî (Qenat Sivês) bi piştgiriya HPC (Hêzên Parastina Cewherî) û niştecîhên taxa Şehîd Cûdî tevlîbûna xwe ya banga seferberiyê ragihandin û li ser wê daxuyaniyekî niviskî hat dayin. Daxuyanîyên bi dû zimanan hatiye dayin niştecîhên taxê bi zimanê Kurdî Hesen Elî Mihemed û bi zimanê Erebî jî ji aliyê Ridvan Îsa Silêman ve hat xwendin.
Di daxuyaniyê de balkişandin li ser giringiya parastina reva û daxuyaniyê de wiha hat gotin: “Li hember şoreş û deskeftiyên Bakûr û Rojhilatê Sûriyê dikeve 15’êmîn sala xwe û hîn êrîş û gefên dewleta Tirk ya dagirker bênavber didomin. Wekî gelên ku Bakur û Rojhilatê Sûriyê bi pêşengtiya QSD’ê berxwedana ku em dimeşînin, tekoşîna ku em bi berdêlên mezin didin. Her çi bibe, bila bibe ji bo parastina van deskeftiyên xwe yên hêja em wekî parazvanên axa welat û vîna gelê Rojavayê Kurdistanê wê daxuyaniyê didin.
Li dijî şerê dagirkeriya DAIŞ û dewleta Tirk û çeteyên qaşo bi navê SMO (Artêşa Netewî ya Sûriyê) ku bi hezaran berdêl me wek gel dan e. Îro jî ev berxwedana ku li Bendava Tişrînê li hember dagirkerî û çeteyên wê yên hov tê meşandin em silav dikin. Her wiha me jî biryar da ku bi rihê gelê şoreşgerî em li kêleka şoreşger û berxwederên xwe bisekinin bi awayek çalak tevlî pêvajoya seferberiya hatiye ragihandin bibin.
Bi şiyara ku her gund, tax bajêr û kolanekê de em xwe rêxistin bikin û deskeftiyên xwe yên şoreşê bigehînin serkeftina demokratîk û mafên azdiyê. Wek welatî û niştecîhên taxa Cudî em di bin sîwana HPC de, tabûrên xwe yên parastinê ava dikin û raya giştî re radigihînin. Di dawîyê de em didin diyar kirin ku der parastin û her der Tişrîn e. Emê xwe hertim bi parastina reva biparêzin û dagirkeriyê têk bibin.”
Daxuyanî bi dirûşmeyên “Bijî Berxwedana QSD û YPJ û QSD hêza gel e” bi dawî bû
