Dilovan kêfo/Amûdê
Ji bo piştgiriya hêzên Sûriya Demokratîk QSD`ê ku li bendava Tişrîn û gundewarên Minbicê berxwedaneke dîrokî didin meşandin, welatiyên bajarê Amûdê meşeke girseyî lidar xistin.
Bi armanca piştgiriya Hêzên Sûriya Demokratîk ku di çeperên şer de li dijî çeteyên dewleta Tirk şer û berxwedaniyê dikin, ji bo parastina rûmet û destkeftiyên gelê kurd, daxwazkirina yekbûna gelê kurd û pêkanîna yekîtiyê, bi pêşengiya Insyatîfa Gel a bajarê Amûdê meşeke girseyî li bajêr hat lidarxistin.
Hejmareke pir mezin şêniyên bajarê Amûdê bi coşeke mezin tevlî meşê bûn, meş ji qada jinê destpê kir û li qada şehîd Cîhad hat rawestandin.
Piştî wê şênî deqeyeke rêzgirtinê li ser giyanê şehîdan rawestiyan. Piştre hevserokê Meclisa Bajarê Amûdê Selman Şêxo axivî û wiha got: “Em berxwedana hêzên xwe yên Ku di çeperên şer de li dijî êrîşê dijmin berxwedanê dikin, silav dikin. Em dibêjin Serkeftin wê para me be û em hemû li pişte hêza xwe n. Niha em di pêvajoyeke pir hesas de derbas dibin, bi taybet piştî rûxandina rêjîma Bass. Îro nexşeya Rojhilatê Navîn tê guhrtin û ji nûve tê xêzkirin, pirisgirêke gelê kurd jî bûye pirisgirêke navnetewî û bê çareserkirina wê çareseriya tu pirsgirêkan nepêkan e.”
Piştre li ser navê Kongra Star Şêrîn axivî û wiha got: “Di destpêk de em sipasiya hemû miletên xwe yên ku hazir bûne dikin. Careke din em dibêjin ku emê li ser riya şehîdên xwe bin, em ji erdogan re dibêjin, tu çi bike tu çi neke tu nikare îradeya me têk bibe.”
Miş bi silogana berxwedan jiyane, Bijî QSD’ê û Şehîd namirin bi dawî bû.
