Dîlan Mulhim\ Qamişlo
Şêniyên bajarê Qamişlo bi girseyî 2 şervanên QSD ’ê , li goristana pakrewanan a Şehîd Delîl Saroxan hat oxirkirin.
Îro saet 12 an de, li goristana şehîd Delîl Saroxan bi hezaran şênîyên bajarê Qamişlo, merasîmeke girseyî ji bo 2 pakrewanên ku di encama şerê li Minbic û Bendava Tişrînde şehîd bibûn lidarxistin. Di merasîmê de, soza domandina xeta şehîdan heya serkeftinê dûbare kirin.
Merasîm bi deqeyekê rêzgirtin li ser giyanê şehîdan dest pê kir.
Li ser navê Saziya Malbatên Şehîdan Şêro Şero axivî û wisa got: ” Em Şehadeta şehîdan li malbatê şehîdan û gelê
xwe pîroz dikin. Ev roj daxwaziya tevahî şehîd û şervanên ku çeperan de berxwe didin e. Gelê Rojavayê Kurdistanê di rojên dîrokî de derbas dibin. Ev cangoriyan xwe feda kirin ji bo pêşeroja xaka Rojavayê Kurdistanê azad bikin. Herwiha gelê Rojavayê Kurdistanê wê bi hêza xwe QSD’ ê aramî û sînorê we rizgar bike. Dê keda van şehîdan bibe misogeriya azadîy ê. Dema ku QSD‘ ê û hemû hêzên me yên ewlekariyê li Bendava Tişrînê têkoşînek lutkeya serkeftinê dimeşînin. Li ber ev berxwedaniya dîrokî hemû cîhan matmayî maye.”
Di heman demê de li ser navê hêzên leşkerî Kawa Gûlo axivî û wiha domand: ” Şervanên QSD’ê li Minbicê û
Bendava Tişrînê berxwedaniyek bêhempa dimeşînin. hame sozdabû gelê xwe ku em ê berxwedaniyê bikin heta dawî. Di heman demê çi kesî bixwazê ku nêzî tiştên gel yên pîroz bibê em ê wî têk bibin, QSD’ ê hatiye ku gelê xwe biparêze û em bang ciwanên xwe dikin ku tevlî hêza xwe bibin û berxwedanan ku niha têkirin bi xwîna şehîdaye.”
Li ser navê Kongra Islamî Demokratîk a şaxê Qamişlo Omer Hemîd axivî: ” Di saya van şehîdan de em bi rûmeta xwe jiyan dikin. Xort û keçên me li pêşiya zilmê û metingerîyê di sekinin û xwe dikin fedekarê axa pîroz. Her kesê ku dixwaze hebûn û kesayeta me binpê
bike wê xort û keçên me li pêşiya wan bibin xelekek agir.”
Di dawiya merasîmê de wesîqeya her dû şehîdan hatin xwendin û radestî malbatên wan hate kirin. Cenazeyê şervanê QSD’ê Şivan Qamişlo bi tevlîbûnekî girseyî bi dirûşmeyan û tililîyan hat sipartin.
