Lîloz Hisên/Qamişlo
Meclisa Malbatên Şehîdan bi daxuyaniyekê piştgiriya xwe ji bo Hêzên Sûriya Demokratîk diyar kir.
Meclisa Malbatên Şehîdan li goristana şehîd Delîl Saroxan, bi daxuyaniyekê piştgiriya xwe ji bona Hêzên Sûriya Demokratîk nîşanda, daxuyanî ji hêla rêvebra meclisa jin a Meclisa malbatên Şehîdan Hêvî Seyd bi zimanê erebî hate xwendin.
Di destpêka daxuyaniyê de wiha hate gotin:“Ji destpêka sala nû ve, di çarçoveya serkeftinên dîrokî ku Hêzên Sûriya Demokratîk li dijî Erdogan û çeteyên girêdayî wê pêk anîn, her wiha li dijî êrişên domdar ku dewleta Tirk li ser herêmên Bakur û Rojhilatê Sûriyê, di heman demê de guhertinên ku li Sûriyê pêk tê. Em hevgirtin û piştgiriya xwe weke Malbatên Şehîdan ji Hêzên Sûriyeya Demokratîk diyar dikin, da ku em parastina destkeftiyên ku bi saya hezarên şehîdan pêk hat, bikin.”
Di daxuyaniyê de hate destnîşan kirin ku Hêzên Sûriya Demokratîk, parastina rûmeta herêmê bi hemû pêkhateyên wê li dijî çete û dagirkeriya kir û hîn jî parastinê dike û wiha berdewam kir:“Em îro bi hemû hêza xwe piştgiriyê ji bo QSD’ê tekez dikin.
Di daxuyaniyê de bang li tevahî hêzên niştimanî û demokratîk hate kirin ku yek ref bin li dijî hewildanên têkbirina ewlehî û aramiya herêma me û wiha hate gotin: “Herwiha piştgiriya Hêzên Sûriya Demokratîk dikin, ji ber ku ew hêza rewa ye, ya tekane parastina gelên herêmê ji xeteriya terorê û dagirkeriyê dike. Siyaseta dewleta Tirk ji destpêka aloziya Sûriyê heya niha xwe dispêre piştgiriya terorê, derxistina tevlîheviyê û xakên din dagir bike. Dewleta Tirk hewil dide ku Projeya xwe ya berfireh û guhertina demografîk li herêmên kurdî di riya koçberkirina bi darê zorê de pêk bîne.” Di dawiya daxuyanê de hate gotin ku:“Bila Erdogan zanibe, di van kêliyên dîrokî de em zêdetir hevgirtî, bi hêztir û bi israrin ji bo pêkanîna azadiyê. Em bi Ciwan û kalûpîran ji bona têkoşînê amedene. Em ê tax û gundên xwe li hemberê dagirkeran biparêzin. Ji tevahî gelên Sûriyê tekez dikin ku hêviya pêkanîna Sûreyeke Demokratîk Hêzên Sûriya Demokratîk e.”
