Ayşa Silêman/ Qamişlo
Xwendekarên Peymangeha Bilind A Zanîngeha Rojava bi daxuyaniyekê êrişên dagirkeriya Tirk li dijî rojnamevanên dengê rastiyê şermezar kirin û piştgiriya xwe ya ji bo QSD’ê rahgihandin.
Dewleta Tirk a dagirker hemû hewildanên xwe dikin da ku çavên derdorê ji hovîtiya ku didin meşandin bigrin, lewma rojnemevanên ku şopdarên rastî û heqîqetê hedef digre. Di 19’ Berfanbarî de li ser riya Sirîn û bendava Tişrînê bi balefirên bê mirov êrîşî erebeya rojnemevanan kir û di encamê de herdû hevalên me yên çapemeniyê Nazim Dastan û Cîhan Bilgîn bi qehremanî gihiştin asta şehadetê.
Daxuyaniyê wiha dest pê kir: “Em wekî xwendekarên Peymangeha Bilind A Ragihandinê di wê baweriyê de ne ku zanîn û hêz basikên azadiyê ne û pêşeroja gelê me bi hevgirtina gelê me tê avakirin. Ji vî alî ve me piştgiriya xwe ya tekez ji bo Hêzên Sûriya Ya Demokratîk QSD ku rûmeta axa me diparêzin û li hember hemû astenkiyan nirxên me diparêzin û didin nîşandan. Qurbaniyên hêzên me yên qehreman ne tenê di şerê leşkerî de ye, lê têkoşêneke berdewam e, ji bo bi destxistina ewlekarî, aşîtî û azadiyê ji bo hemû pêkhateyên herêmê. Di heman demê de dewleta Tirk a faşîst ku ji dengê rastiyê ditirse û dixwaze êrişên xwe yên hovane veşêre, rojnemevana dike armanca xwe û rasterast êrişî wan dike. Ji bo vê yekê her gava ku em di rêwîtiya xwe ya zanîstî de tavêjin em ilhamê ji berxwedan û wêrekiya şehîdên xwe digrin.”
Daxuyanî wiha hat domandin: “Li ser navê xwendekarên Peymangeha Bilind A Ragihandinê ya Zanîngeha Rojava, em soz didin şehîdên çapemeniyê ku wê dengê rastiyê neyê çewisandin û em ê li ser şopa wan kamîre û pênûsa hildin. Û li kêleka hêzên xwe yê leheng diher warî de piştgiriya wan bikin û hêz û zanîna xwe ji bo xizmeta doza welatê xwe bikar bînin hata ku em bighêjin welatekî azad û demokratîk. Bi perwerde û tekoşînê em ê bi hev re welat ava bikin.”
Daxuyanî bi siloganên “Şehîd rêberê tekoşîna me ne, saxin tucarî namirin, Bijî berxwedanan QSD dê, Bijî berxwedana Rojava” bidawî bû.
