Ji bo piştgiriya QSD`ê û yekîtiyê kurdan gelê Amûdê daket qadan

Dilovan kêfo/Amûdê
Ji bo piştgiriya QSD`ê û yekîtiyê kurdan gelê Bajarê Amûdê meşeke girseyî lidar xist. Di meşê de alên QSD’ê hatin hildan û banga bilindkirina asta berxwedanê hat kirin.
Insyatîfa Gel a bajarê Amûdê bi armanca piştgiriya Hêzên Sûriya Demokratîk QSD û ji bo yekbûna gelê kurd meşeke girseyî li bajarê Amûdê lidar xist. Jimareke pir mezin ji şêniyên bajarê Amûdê bi coşeke mezin tevlî meşê bûn. Meş ji qada jinê destpê kir û li qada şehîd şehîd Cîhad bi dawî bû.
Di meşê de alên Rêveberiya Xweser, QSD`ê û ala komara Sûriyê ya nû hate hildan, herwiha pankartên li ser nivîsên (Em li dijî dagirkeriyê dest bi dest yek hêz bin rê nedin dagirkeriyê) û (Em li piş hêza xwe ne, bijî bratiya gelan, em yekîtiya gelê kurd dixwazin, bijî yekîtiya gelê Rojava.) hatin bilindkirin.
Piştî şênî gihaştin qada şehîd Cîhad deqeyeke rêzgirtin li ser giyanê şehîdan hat rawestandin, piştre li ser navê Insiyatîfa gel ya Bajarê Amûdê Mizher Şêxo axivî û wiha got: “Welatparizyên hêje piştî hilwişandina reJîm Baas em ketine qonaxeke nû, me ji bû vê şoreşê gelek ciwanên xwe sipartên xaka pîroz ji bû Ku em vê qonaxê derbas bikin û em azadiya xwe misoger bikin , devê em bibin yek hebûna me bi yekîtiya me ye.”
Meş bi siloganên berxwedan jiyane bidawî bû.