Ronaz Silêman/Qamişlo
Yekîtiya Rewşenbîrên Kantona Cezîrê, Hevgirtina Rewşenbîrên Rojavayê Kurdistanê (HRRK)’ê û Yekîtiya Nivîskarên Kurd li Sûriyê bi daxuyaniyeke nivîskî banga yekrêziya mala kurdî kirin û piştgiriya xwe ji QSD’ê re nîşan dan.
Îro ji aliyê Yekîtiya Rewşenbîran Kantona Cezîrê, Hevgirtina Rewşenbîrên Rojavayê Kurdistanê (HRRK)’ê û Yekîtiya Nivîskarên Kurd li Sûriyê daxiyaniyeke nivîskî ku têde bangî yekrêziya kurdî û piştevaniya hêzên leşkerî QSD’ê hate kirin, herwiha daxuyanî li Bexçeyê Xwendinê yê bajarê Qamişlo hate dayîn. Daxuyanî bi zimanê Kudî ji aliyê endamê Yekîtiya Rewşenbîrên Cezîrê Kurdiyar Dirêî û bi zimanê erebî ji aliyê endama rêveber a Yekîtiya Rewşenbîrên Cezîrê Yasmîn Meşayix ve hate xwendin. Di daxuyaniyê de endam û rêveberên Yekîtiya Rewşenbîrên Kantona Cezîrê, Hevgirtina Rewşenbîrên Rojavayê Kurdistanê (HRRK)’ê û Yekîtiya Nivîskarên Kurd li Sûriyê beşdar bûn.
Daxuyanî wiha hate destpêkirin: “Di demekê de ku tevaya gel û pêkhateyên di Sûriyê de şahî û kêfxweşiya xwe bi hilweşîna rêjîma Baas ya Beşar Elesed dianîn û bêhna rêzgarbûna ji tarîtirîn serdemeke dijwar di dîroka Sûriyê ya nûjen de dikirin û çavên wan li despêkirina serdemeke nû di Sûriyê de bû ku kêşeyên heyî çareser bibin û Sûriyeke nû ne navendî, demokrat û pir reng ava bibe, dewleta Tirk a dagerker terora xwe nîşanî gelên Bakur û Rojhilatê Sûriyê kir û bi piştgiriya ji komên tindrew re dest bi êrîşa li ser koçberên Efrîn ku li şehba û Til Rifetê kir û berê xwe da bajarê Minbicê û gundewarê wê.”
Daxuyanî wiha hat dewamkirin: “Dewleta Tirk bi armanca têkbirina aştiyî û aramiyê û pêkanîna dagerkeriyê, bi hemî imkanên xwe yên diblomasî û helwestên xwe piştgirî da komên tindrew û ber bi pira Qereqozq û bendava Tişrînê ya ku xizmeta tevaya Sûriyê dike, şer berfireh kir. Armanca herî li pêş ew e ku bajarê kobanê ya çeteyên DAIŞ’ê şikand dagir bike. Dewleta Tirk û çeteyên wê kiryarên hovane li dijî pêkhateyên herêmê pêk anîn ku ev yek digihêje asta tewanên şer ên li dijî çand û mirovahiyê û rêbaza agirbest û diyalogê erê nekir. Berberî û kîna dewleta Tirk li hember pêkhateyên Bakur û Rojhilatê Sûriyê dike ne nû ye.”
Daxuyanî wiha hat bidawîkirin: “Em wek Yekîtiyên Rewşenbîrî û Wêjeyî yên Bakur û Rojhilatê Sûriyê di vê qonaxa hestiyar û nazik de bangî yekrêziya mala Kurdî û hemû pêkhateyên herêmê dikin, herweha em banga piştgirî û piştevaniya hêzên xwe yên leşkerî jî dikin û bi tundî kiryarên hovane yên êrîşên Tirkiyê û çeteyên wê şermezar dikin. Herwiha em bêdengiya navneteweyî ya li hemberî sûcên dewleta Tirk ên li dijî pêkhateyên Minbicê û gelê Kurd û dîroka wan a li Rojava şermezar dikin. Em bang li rêxistin û sendîkayên çand, wêje û hunerî yên li Sûriyeyê û cîhanê dikin ku êrîşên dagirkeriyê yên dewleta Tirk û komên ku piştgiriya wê dike şermezar bikin.
