MÎT, Parastin û ENKS’ê di 14’ê Kanûnê de li Hewlêrê li ser planên qirkirinê yên dewleta Tirk a dagirker civîneke hevpar li dar xistin. Di civînê de biryar hate dayin ku ENKS tevlî Tifaqa Kurd nebe.
Malbata sîxur a Barzanî çeteyên wê ji bo gelê Kurd sedsala 2’yemîn de jî nebin xwedî statu û qirkirina çandî û fîzîkî bi encam bibe çi ji detsê wan tê dikin. Malbata sîxur a Barzanî bi dewleta Tirk a dagirker û çeteyên wê re êrîşî Kurdistanê dikin û dijminatiya gelên Kurdistanê dikin.
Li gorî Ajansa Nûçeyan a Firatê (ANF) ragihandî, li bajarê Hewlêrê yê Başûrê Kurdistanê di 14’ê Kanûnê de MÎT, Parastin û ENKS’ê civîneke hevpar lidar xistin. Li gorî agahiyan civîn 3 saetan dewam kiriye. Hate diyarkirin ku di civînê de biryar hate dayin ku ENKS tevlî tifaqa Kurd a li Rojava nebe. Piştî vê biryarê, gotinên rêveberên ENKS’ê yên li dijî tifaqa Kurd zêde bûn. Hate destnîşankirin ku Barzanî û dewleta Tirk li hevkirine û ENKS jî li gorî vê biryarê tevdigere.
Hêjayî gotinêye ku gelê Kurd li seranserê welat û Ewropayê ji hemû partiyên Kurdan dixwazin ku bibin yek û li Şamê nûnertiya Kurdan bikin. Lê ya balkêş ewe ku carek din PDK jî weke Îsmet Înonu û Hesen Xeyrî beriya 100 salan kirîn, xwe daye rexa dewleta Tirk a dagirker.
Piştî ketina rejîma Esed li şûna ku PDK alîkariya Rojavayê Kurdistanê bike, deriyê Sêmalka li Rojavayê Kurdistanê ji bo alîkariyên mirovî girtiye û nahêle alîkarî bê şandin. Li aliyê din Encûmena Niştîmanî ya Kurd a Sûriyeyê (ENKS) ku dibin serweriya PDK û dewleta Tirk de ye, heya niha jî bi Rêveberiya Bakur Rojhilatê Sûriyeyê re lihev nekiriye.
