Şervanên HSD û YPJ’ê gelek çeteyên êrîşî Bendava Tişrînê kirin kuştin. Cenazeyê çeteyê bi navê Melîk Erabî ket destê şervanan û li ser çete belgeya Nasnameya Parastina Demkî ya Walîtiya Hatayê ya Wezareta Karên Hundir a Tirk hate dîtin.
Dewleta Tirk a dagirker û komên çete yên girêdayî wê bi navê Artêşa Niştimanî ya Sûriyeyê (SMO) ji bo jiholêrakirina Rêveveriya Xweser a Bakur û Rojhilatê Sûriyeyê li ber çavên cîhanê bi tevî çeteyên xwe êrîş dike. DI van demên dawî de êrîşên êrşên li ser Bendava Tişrînê dijwar bûne.
Çeteyên SMO yên dewleta Tirk a dagirker ji bejahiyê ve êrîşên dagirkeriyê pêk tînin û dewleta Tirk a dagirker jî bi balafirên bêmirov ji hewayê êrîşên dagirkeriyê pêk tînin. Hêzên Sûriyeya Demokratîk (HSD) û YPJ’ê bersivên tund didin êrîşan. Heta niha dewleta Tirk a dagirker û çeteyên wê li ser Bendava Tişrînê ti pêşketinekê bi dest nexistine. Di encama bersivdayîna bi bandor û xurt a hêzên HSD û YPJ’ê de zêdeyî 100 çete hatin kuştin.
Cenazeyê çeteyekî ku hat kuştin kete destê hêzên HSD’ê. Nasnameya li ser çete hate bidestxistin careke têkiliya dewleta Tirk a dagirker û çeteyan raxist ber çavan.
Nasnameya Parastina Demkî ya Walîtiya Hatayê ya Wezareta Karên Hundir li ser çeteyê bi navê Melîk Erabî yê hat kuştin hat dîtin. Çeteyê dewleta Tirk a dagirker a bi navê Melîk Erabî bi vê nasnameya di bêrîka xwe de beşdarî êrîşên dagirkeriyê yên dewleta Tirk a dagirker ên li ser Bendava Tişrînê bû. Çete di pevçûnan de ji hêla hêzên HSD’ê ve hat kuştin û cenazeyê wî kete destê şervanên HSD’ê.
Di lêgerîna ser çete de Belgeya Wezareta Karên Hundir a Komara Tirkiyeyê hat dîtin û ev jî nîaşn dide ku çete li Tirkiyeyê maye. Bi vê belgeyê careke din derket holê ku bê dewleta Tirk a dagirker çawa çeteyan diparêze û xwedî dike.
