Hemza Sêvo/ Qamişlo
Rêxistina Nûçegihanên Bêsînor di rapora xwe ya salane de eşkere kir ku 54 rojnamegerên jin û mêr di sala 2024’an de li seranserî cîhanê hatine kuştin. Herwiha 226 rojnamevan binçavkirî ne û 55 jî çarenûsa wan ne diyare.
Bi raporekê Rêxistina Nûçeghanên Bêsînor bîlançoya kuştî û dîlgirtiyên rojnamevanan ya salane eşkere kir. Tê de jî hat eşkerekirin ku 54 rojnamegerên jin û mêr di sala 2024’an de li seranserî cîhanê hatine kuştin.
Rêxistinê da zanîn ku di vê salê de li ser destê artêşa Israyîlê 18 rojnameger hatin kuştin, 16 ji wan li Xezayê û du yên din li Lubnanê.
Herwiha Rêxistina Nûçegihanên Bêsînor di rapora xwe de da xuyakirin ku Filestîn welatê herî xeternak ji rojnamevanan e. Ji ber ku di nava 5 salên dawî de pêlançoya kuştina rojnamegeran a herî zêde li Filestînê bû.
Rêxistinê 4 dozên sûcên ku artêşa Israyîlê li hemberî rojnamegeran kirine, pêşkêşî Dadgeha Sûcan a Navnetewî kir.
Li gorî heman raporê piştî Filestînê Pakistan bajarê herî zêde ku rojnamevan lê tên kuştin, li heman welatî jî 7 rojnamevan hatin kuştin.
Raporê bi bîr xist ku li Çînê 124 rojnameger hatine binçavkirin, 11 ji wan li paytexta wê Hong Kongê ne. Di heman demê de 61 rojnamevan li Borma û 41 jî li Israyîlê binçavkirî ne.
Di raporê de hate destnîşankirin ku 55 kesên rojnamevan hatine dîlgirtin û nîv ji hejmara wan di destê çeteyên DAIŞ’ê de ne.
