Navenda Nûçeyan
Yekitiya Ragihandina Azad (YRA) û Yekitiya Ragihandina Jin (YRJ) li ser êrişên çeteyên hov yên bajarên Heleb, Şehba û Til Rifet wek kiryarên dijî mirovî nirxand.
Yekitiya Ragihandina Azad (YRA) û Yekitiya Ragihandina Jin (YRJ) û saziyên ragihandinê yên Bakur û Rojhilatê Sûriyê 3’ê Kanûna 2024’an li ser êrîşên çeteyên dagirkeriya Tirk daxuyaniyek hevpar dan.
Daxuyaniya li ser malpera YRJ’ê hat dayin wiha bû:
“Di van rojan dtevahî Sûriyê û herêmên me di rewşeke xeter û metirsîdar re derbas dibe. Dewleta Tirk a bi çeteyên DAIŞ’ê nikarîbû planên xwe li ser gelê Sûriyê pêk bîne , careke din bi bermahiyên DAIŞ’ê jî di nav de komên din ên çete êrişeke berfireh li dijî Helebê pêk anî. Çeteyan li gelek cihan komkujî pêk anîn û sînaryoya derketina DAIŞ’ê dubare kirin. Ji ber êrişan rewşeke mirovî ya dijwar derket holê.
Di encama van kiryaran de kantona Efrîn-Şehba û taxên Şêxmeqsûd û Eşrefiyê ên Helebê jî rastî êrişên herî dijwar hatin. Rêveberiya Xweser, QSD’ê û Kongreya Star ji bo parastina sivîlan ketin tevgerê. Bi 10 hezaran sivîl ji Şehbayê anîn herêmên bi ewle. Wer xuya dike ev êriş û planên qirêj li dijî gelê Sûriyê bi giştî û gelê kurd bi taybetî ye.
Di vê rewşa heyî de em wekî Yekîtiya Ragihandina Azad (YRA) û Yekîtiya Ragihandina Jin (YRJ) ku nûnertiya sedan xebatkarên ragihandina azad dikin, bang li hemû rojnamevan, xebatkar û saziyên ragihandinê yên li ser xeta azadî û demokrasiyê têdikoşin, dikin ,ku bibin dengên rastiyê. Binpêkirin, bûyer û sûcên dewleta Tirk û çeteyên wê yên li dijî mirovahiyê pêk tên, ji raya giştî ya cîhanê re aşkere bikin.
Di vê çarçoveyê em ku xwedî artêşeke ragihandinê ya li ser erdê ne, ji bo alîkariya hemû xebatkar û saziyên ragihandinê re amade ne.
Di heman demê de em kanalên weke Rûdaw û K24 jî di nav de hemû saziyên ragihandinê yên di çarçoveya şerê taybet ku li ser gelê me tê meşandin de tevdigerin û bi zihniyeta serdestiya mêr dîmen û nûçeyên di xizmeta çeteyan de parve dikin û bûne xwedî roleke sereke ya di xizmeta dewleta Tirk û çeteyên dikin, bi tundî şermezar dikin.
