Ayşa Silêman/Qamişlo
Hevbendiya Neda ya Yekîtiya Jinên Demokratîk a Herêmî ji bo şermezarkirina cezayê darvekirinê ya li dijî Werîşe Moradî ji bo raya giştî daxuyaniyek li bajarê Qamişlo da.
Çalakvana jin Werîşe Moradî di rûniştina yekemîn de derket pêşberî dadgehê, lê dadgeh mafê parastinê neda wê. Cezayê lê hat birîn li ser esasê madeya 288’ê ku divê li dijî komara Îslamê ya Îranê çek newe hilgirin. Li gor vê madeyê 15 sal girtîgehê wê lê were birîn. Lê dadwer Qazî Selwatî, ku wek dadwerê îdamê tê naskirin, tevî daxwaza wê û daxwaza parêzerê wê ji bo îtrazê, cezayê darvekirinê li ser Werîşe Moradî hat derxistin. Werîşa Moradî ji bo şermezarkirina biryara darvekirinê, girava birçêbûnê ragihand.
Daxuyanî wiha hat destpêkirin: “Em bi navê Hevbendiya Neda, Hevbendiya Mirovî ya Demokratîk a Herêmî, nîgeraniya xwe ya kûr radigihînin û cezayê darvekirinê wek navgînek ji bo bidestxistina edalet li gor îdiayên rayedarên Îranê. Her wiha em di wê baweriyê de ne ku jiyan mafekî ku nayê girtin û nayê guhertin e. Em bang li hemû rêxistin, komele, partî û kesayetên jin ên demokratîk û mafên mirovan dikin ku ji bo rawestandina qetlîamên li perestgehên melayan, bi hev re hevkariyê bikin. Em bawerin ku wê dengê me cûdahî û guhertinekî çêbike. Em hemû ji bo avakirina cîhanek însanî û dadwerî têdikoşin. Werin em vê daxwaznameyê îmze bikin û bi gelek kesan re parve bikin, da ku qêrîna jinên ku bi talan tên tehdîtkirin bigihêje her kesî li seranserê cîhanê, berî ku ew nefesa xwe bigirin.”
Her wiha bi dirûşmeyên ‘Erê ji jiyana azad re, Na ji cezayê îdamê re na, Jin jiyana azad’ daxuyanê bidawê bû.
