Dîlan Mulhim/Qamişlo
Mamosteyê beşa Biyolojî ya Zanîngeha Rojava Mihmed Şêx Mûsa dayir ku di sala 2016’an de ev beş hate vekirin, bi armanca ku xwendekar cihên xwe di nava saziyên Rêveberiya Xweser û hemû saziyên tendirustî û perwerdeyê de bigrin.
Zanîngeha Rojava ku yek ji destkeftiyên şoreşa 19’ê Tîrmehê ye, ji bo xwendekarên hermê di sala 2016’an de hat damezrandin. Roj bi roj pêşket û niha bi sedan xwendekar di fakulte û beşên cuda yên zanîngehê de cihê xwe digrin. Yek ji beşên girîng yên zanîngehê jî beşê biyolojî ye ku dema xwendina wê çar sale.
Di derbarê beşa biyolojî ya Zaîngeha Rojava, mamosteyê beşa biyolojî Mihmed Şêx Mûsa ji
rojnameya me re axavî.
Avabûna beşê biolojîk
Mihmed Şêx Mûsa anî ziman ku beşê biyolojî cihê xwe di fakulteya Zanistê Xweza û Teknolojî de digire û wiha got: “Beşê biyolojî di 2016’an de bi avakirina zanîngehê, hate avakirin, di heman salê de xwendekar tevlî beşê biyolojî bûn. Herwiha heta niha 3 kom ji xwendekaran hatine derçûkirin. Salên xwendina vî beşî çarin. Beş bi giştî li ser metiryalên girêdayî şaneyên, lawiran, şînatî û zindiyên biçûk disekine. Bi giştî li ser gewdeyê mirov, şînatî û heyînên zindî tê dayîn. Armanc ji vakirina vî beşî ew e ku xwendekar piştî derçûna xwe cihên vala di saziyên Rêveberiya Xweser de dagirin û sûdên bidin civakê.”
Armanca beşa biyolojî
Şêx Mûsa axaftina xwe wiha domand: “Xwendekarên beşê biyolojî piştî derçûnê dikarin gelek cihê vala dagirin û gelek karan bikin. Herwiha xwendekarê derçûyî dikare karê mamostetiyê di dibistan, peymangeh û zanîngehan de cihê xwe bigrin. Di heman demê de dikare di kargehên xwarinên yan jî dermanan de dikare kar bikin. Pêwîstiya wan heye ji ber ku gelek metiryal derbasî Rojava dibin, divê werin lêkolînkirin û derçûnên vî beşî dikarin di vî warî de jî kar bikin, û hem dikarin di nexwşxaneyan û teqîgehan de jî kar bikin.”
Pirojeyên dema pêş
Mamosteyê beşa biolojî ya Zanîngeha Rojava Mihmed Şêx Mûsa axaftina xwe wiha bi dawî kir: “Planên me ji bo vî beşî hene, xwendina bilind her sal di beş de tê vekirin. Herwiha kesê ku hate derçûnkirî dikarin xwendina master bixwînin, xwendina master sê beşên wê hene sosiyolojia bijîjkî, Heyînên zindî, biyotokolojî heye. Ev dema niha amede ne, di demên pêş de hîn planên din jî hene, em ê beşên di jî vekin. Di dema niha de di palanekê de kar dikin taqîgehên xwe xurtir bikin, îsal jî haziriyên teqîgehan bi rengekî baş hatiye kirin, heta ku xwendekar bi asteke baş biratîk bibin. Lê birastî astengî hene, lê ev zehmetî li ber çavane, ji ber ku Rojava bi giştî di dorpêçê de ye, bi taybet ji aliyê Bakur û Başûr ji ber ku amûrên em dixwazin bi zehmetî digihêjine me û hin pispor hene dixwazin ku werin Rojava ku semîneran bidin û cihê xwe di zanîngehê de bigirin zehmetî ji vî alî de jî hene. Em dixwazin ku hejmarekê ji xwendekaran derbiçin li gorî fikir û felsefeya netewa dîmkratîk derbiçin.”
