Meclisa Rêveber a Rêveberiya Xweser a Bakur û Rojhilatê Sûriyê civînek bi Desteya Jinan û komîteyên jinan ên rêveberiyên xweser de li dar xist. Civîn li Navenda Desteyên Rêveberiya Xweser ya li navçeya Eyn Îsa yê hat liderxistin. Di civînê de rewşa jinan û mekanîzmaya karê wan bi Desteya Jinan û komîteyên jinan ên rêveberiyên xweser re hat nîqaş kirin.
Meclisa Rêveber a Rêveberiya Xweser a Bakur û Rojhilatê Sûriyê rewşa jinan û mekanîzmaya karê wan bi Desteya Jinan û komîteyên jinan ên rêveberiyên xweser û sivîl re nîqaş kirin.
Meclisa Rêveber a Rêveberiya Xweser a Bakur û Rojhilatê Sûriyê civînek bi Desteya Jinan û komîteyên jinan ên rêveberiyên xweser û sivîl re li dar xist.
Civîn li navenda desteyên Rêveberiya Xweser li navçeya Eyn Îsa pêk hat. Di civînê de hevseroka Meclisa Rêveber a Rêveberiya Xweser Bêrîvan Xalid û cîgira wê Rohilat Arif û seroka Desteya Jinan Cîhan Xidro, nûnerên komîteyên jinan di Rêveberiya Xweser û Sivîl de, amade bûn.
Di civînê de beşdaran rewşa jinan li bajarên Bakur û Rojhilatê Sûriyê û mekanîzmaya karê komîteyên jinan di van bajaran de û zehmetiyên ku rastî wan tên, ji komîteyên piçûk li taxan heta komîteyên jinan ên rêveberiyên sivîl û xweser, nîqaş kirin.
Beşdaran komîteyek ji bo danîna sîstema hundirîn a Desteya Jinan ava kir. Her wiha li ser çalakiyên ku li herêmên Bakur û Rojhilatê Sûriyê bi rasthatina Roja Têkoşîna li dijî Şîdeta li ser Jinan jî axivîn.
Di dawiya civînê de, rojek ji bo civîna mehane ya Desteya Jinan bi komîteyên wê yên rêveberiya xweser û sivîl re hate diyarkirin…ANHA