Li navçeya Hewîce gorek komî hat dîtin. Di gora komî de nasnameya 3 pêşmergeyan hat dîtin. Daxwaz ji malbatan hat kirin ku biçin cenazeye zarokên xwe werbigrin.
Li gorî çavkaniyek ji nava hêzên Iraqê, di dema lêgerîn û lêkolîna şûnmayên çeteyên DAIŞ’ê de, gorek a komî nêzîkî navçeya Hewîce ya ser bi parêzgeha Kerkûkê hat dîtin. Çavkaniyê diyar kir ku di nava cilên cenazeyan de hinek nasname jî hatine dîtin û ji wana 3 jê nasnemeyên pêşmergeyên hikûmeta Herêma Kurdistanê ne.
Li gorî çavkaniyê, gor ji aliyê Tûgaya 56 a Heşdî Şebî ve hatiye dîtin û li gorî agahiyan her sê perşmergeyên cenazeyê wan hatîn dîtin ser bi tugaya 4 a Wezareta Pêşmergeyanin.
Çavkaniyê da zanîn ku pêşmergeyên cenazeyê wan hatin dîtin di sala 2015’an de li gundê Wehede yê ser bajarokê Daqoqê ketine destê çeteyên DAIŞ û hejmara wan 8 pêşmerge bûn. Herî dawî çavkaniyê diyar kir ku di nava wan pêşmergeyan de 2 fermandar jî hebûn, lê tenê cenazeyê 3 pêşmergeryan hatiye dîtin.
