Konseya Yekîtiya Ereban, daxwaz kir ku Tirkiyê kir hêzên xwe ji Iraqê vekişîne û xwe têkelî karê navxwe yê Iraqê nekin.
Wezîrên Karê Derve yên Konseya Yekitiya Ereb roja sêşemê cara 150’î li hev civiyan.
Civîn li Kahîreyê bi lîdertiya Wezîrê Karê Derve yê Sûdan Muhammed Ehmed, pêk hat, Di civînê wezîrên karê derve yê 17 welatan amade bûn. Wezîrên Karê Derve yên Sûdan, Siûdî, Misir, Filîstîn, Mîrektiyên Yekbûyî yên Ereb, Cezayîr, Urdun, Iraq, Yemen, Libya, Kuweyt, Bahreynê amade bûn.
Endamên Konseyê li gorî biryara bi nimroya 7978’an a bi dîroka 24’ê Kanûna 2015’an a Yekîtiya Ereb xwestin ku Tirkiye hêzên xwe yên leşkerî yên li Iraqê vekişîne.
Endamên Konseyê xwestin ku bang li Tirkiyê were kirin ku, ‘têkilî karê navxwe yê Iraqê nebe’ û hate gotin, ‘ev rewş ziyanê dide ewlehî û aramiya herêmê’’.
Di daxuyaniyê de her wiha hate gotin, bi çarçoweya qanûnên navnetewî Konsey wê destekê bide helwesta Bexdayê ya li dijî Tirkiyê.
DEWLETA NÎJATPEREST
Yek ji rojeva sereke ya Konseyê mijara Filîstîn-Israîlê bû. Konseyê ji ber ku DYA’yê alîkariya mirovî qut kiriye helwest nîşan da û got, “ji ber sedema ku Israîl xwe bi navê ‘dewleta Yahûdiyan’ bi nav dike, nîjatperestiyê dike.”
Sekreterê Yekîtiya Ereb Ahmed Evdil Geyt got, “Berê Israîlê ji xwe re digot dewleteke demokratîk lê Serokwezîr Benyamîn Netanyahû bi rêya qanûneke apartheîd Israîl mîna dewleteke nîjatperest nîşan da.’’