Siûdî, Îmarat, Behrên û Misrê destwerdana Tirkiye û Îranê li Sûriyê şermezar kirin û diyar kirin ku ev destwerdana wan encamên metirsîdar bi xwe re tîne û şerê naxweyî li herêmê dijwar dike.
Siûdî, Îmarat, Behrên û Misrê daxuyaniyeke hevbeş li dijî destwerdana Tirkiye û Îranê li Sûriyê dan.
Di daxuyaniya van dewletan de wiha hat gotin: “Em berdewamkirina destwerdana Îranê û Tirkiyê di aloziya Sûriyê de şermezar dikin. Ev destwerdana wan dê encamên metirsîdar li ser paşeroja Sûriyê û serweriya wê û ewlehî û aramiya wê û yekîtiya wê ya niştimanî û aştiya herêmî bi xwe re bîne.”
Komîteya çaralî piştî civîna xwe ya asyî ya 150 ya meclîsa Yekîtiya Ereban li ser asta wezîrên karên derve li Qahîre diyar kir ku ev destwerdan alîkariya xebatên çareserkirina aloziya Sûriyê nake û Tirkiye, Îran û Rûsya bi riya çalakiya Astana tenê hewl didin berjewendiyên xwe di Sûriyê de biparêzin.
Di daxuyaniyê de hat diyar kirin ku Îran şerê navxweyî li dewletên Erebî gur dike û alîkariyê bi milîsên terorîst re li hin dewletên Ereb dike.
Hat diyar kirin ku di encama van destwerdanan de ewlehiya netewî ya Ereban têk diçe û xebatên herêmî û navnetewî ji bo çareserkirina doz û aloziyên herêmê asteng dike.