Di dewreya ku 15 rojan berdewam kir de 25 şervanên Lîwa El-Şemal El-Demoqratî tev lê bibûn.
Bi armanca qedandina dewreyê merasîmek li gundê Xarûfiyê yê dikeve başûrê bajarê Minbicê hate li darxistin.
Fermdarên Meclisa Leşkerî ya Minbicê, Ceyş El-Siwar, endamên Hevbendiya Niştimaniya Demokratîk a Sûriyeyê û Partiya Sûriyeyê Pêşerojê di merasîmê de amade bûn.
Piştî deqeyeke rêzgirtin li ser giyanên şehîdan, beşdarên perwerdeyê sûnda leşkerî xwarin.
Bi navê Bargeha Siqûr El-Zawiya Arif El-Esfer axivî û bi dawîbûna dewreya perwerdeyê li şervanan pîroz kir û got, “Em serbilind in ku dewreya yekemîn a hêzên taybet ên Siqûr El-Zawiya der çû. Bi hêvî ne ku hûn li gorî erk û soza xwe bin ku welat ji komên tarî û dagirkeran biparêzin.”
Di merasîm de, Rêveberê Buroya Siyasîy a Lîwa El-Eşemal El-Demoqratî Îyad Xetîb jî bidawîbûna yekemîn dewreya perwerdeyê pîroz kir ku destnîşan kir ku şervanên vê dewreyê fikrê Sûriyek ne navendî û demokratîk hilgirtine. Xetîb anî ziman ku Lîwa El-Şemal El-Demoqratî beşek ji QSD‘ê ye, armanca xwe parastina tevahî gelê Sûriyeyê ye.
Merasîm bi axaftina Berdevkê Fermî yê Ceyş El-Siwar Ehmed Sultan Ebû Erac bi dawî bû.
Ebû Erac got, “Ev ax bi xwîna şehîdan hatiye rizgarkirin, şehîdan destanên qehremanî nivisandin. Em soz dikin ku têkoşîna xwe mezin bikin ta tevahî herêm ji çete û dagirkeran werin rizgarkirin.ANHA