4 aliyan koalîsyonek ava kirin

Tevgera Goran, Hevpeymana ji bo Demokrasî û Dadperweriyê, Yekgirtû ya Îslamiya Kurdistanê û Komeleya Îslamî ya Kurdistanê ji bo parlamentoya Iraqê koalîsyonek ava kirin.
Tevgera Goran, Hevpeymana ji bo Demokrasî û Dadperweriyê, Yekgirtû ya Îslamiya Kurdistanê û Komeleya Îslamî ya Kurdistanê îro li Silêmaniyê li ser mijara li Bexda bi hev re karên hevbeş bikin lihev civiyan. Hate ragihandin ku di civînê de li ser avakirina koalîsyonê lihev kirine.
Piştî civînê daxuyanî hate dayîn. Namzetê Tevger ê di hilbijartina 12’ê Gulanê ya Parlamentoya Iraqê de biserketî Kawa Mihemed daxuyanî da. Bi giştî 4 xal hatin destnîşan kirin.
“- Ji bo her çar aliyan pêkanîna koalîsyonekê.
– Nivîsandina bernameya karên hevbeş, ji bo koalîsyonê ku di xizmeta berjewendiyên giştî yên xelkê de be.
– Di guftûgokirina li ser avakirina hikûmeta nû ya Iraqê de li ser çareserkirina pirsgirêkên di navbera Bexda û Hewlêrê de rawestandin.
– Koalîsyon daxwaza li ber çavan re derbaskirina tevahiya proseya siyasî û îradeya Iraqê dike. Di qonaxa nû de, li ser bingehê hevbeş, zelal û serweriya qanûnê were danîn.”