Ronaz Silêman/Qamişlo
Di meha Mijdarê de gelek çalakî li navenda Çand û Hunerê ya Mihemed Şêxo ya bajarê Qamişlo hatin lidarixistin. Armanc ji van çalakiyan pêşxistina kar û xebatên hunerî li herêmê ye.
Di nava şoreşa Rojava de şoreşa çandê jî di heman demê de birêve çû. Çand û Hunera ku ji aliyê dagirkeran ve hatibû qedexekirin, derket ronahiyê. Li ser asta Bakur û Rojhilatê Sûriyê gelek navendên çand û hunerê hatin avakirin, yek ji wan navendan jî, navenda çand û hunerê ya Mihemed Şêxo ya bajarê Qamişlo ye. Navenda çand û hunerê ya Mihemed Şêxo di sala 2012’an de hate vekirin, herwiha ji dema vekirina xwe û heta niha bi gelek kar û xebatên pîroz ku dike malê civakê rabûye, armaca serek a van xebatan pêşxistina xebatên hunerî li herêma Bakur û Rojhilatê Sûriyê ye.
Herwiha di meha Mijdara 2024’an de li naveda Mihemed Şêxo gelek çalakiyên hunerî û çandî hatin lidarxisitin, hin jê jî, hîn dê wê bên lidarxisitin.
Ev çalakî jî wiha ne:
1’ê Mijdarê li navenda Çand û Hunera Mihemed Şêxo şanoya bi navê “Kurdisatan” hate lidarxistin.
2’ê Mijdarê pirova şanoyeke din hate kirin.
3’ê Mijdarê şanoya bi navê “Dadgeha Wijdan” hate pêşkêşkirin.
8’ê Mijdarê konsêrta kenala Stêrk hate kirin.
10’ê Mijdarê Peymangeha Orkêstra Rojava ya Zarokan konsertek muzîk lidar xist.
15’ê Mijdarê şanoya bi nave “Xabûr” hate pêşkêşkirin.
Di heman demê de ji 15 heyanî 18’ê Mijdarê pêşengah “Pirtûxaneya Aram” hate lidarxisitin.
18’ê Mijdarê 2 seatan giftûgo bi xwendekarên amadehî li ser Peymangeha Bilind ya Hunerî hate kirin.
19’ê Mijdarê ji aliyê Desteya Çandê civîneke li ser tundiya li ser jinê hate lidarxistin.
20 heya 23’ê Mijdarê ji aliyê Koma Yekpar Festîvala Melodiyên Payîzê hate lidarxistin.
26’ê Mijdarê wê bi boneya 25’ê Mijdarê filmê “Jin War” were nîşandan.
28 heta 30’ê Mijdarê Pêşengeha hunera Şêwekariyê di bin durişmeya “Em bi rengên xwe jiyanê dixemilînin” bê lidarxistin.
