Hemza Sêvo/ Qamişlo
Wê Navenda Yekpar, sêyemîn festîvala xwe ya bi navê Melodiyên Payîzê di 20’ê Mijdarê de, ji bo pêşxistin û parastina çand û hunerê li Navenda Mihemed Şêxo a Çand û Hunerê ya bajarê Qamişlo li dar bixe û wê ev festîval çar rojan bidome.
Navenda Yekpar, sêyemîn festîvala xwe ya bi navê Melodiyên Payîzê di 20’ê Mijdarê de, li Navenda Mihemed Şêxo a Çand û Hunerê ya bajarê Qamişlo li dar bixe.
Bi armanca pêşxistin û parastina huner-çanda kurdî û hemû pêkhateyên din wê ev festîval li ser asta 4 rojan were lidarxistin.
Di roja yekem de wê Koma Muzîkê ya Navenda Yekpar nêzî 6 stranan pêşkêş bike. Herwiha Koma Şano ya Zarokan wê şanoyekê pêşkêş bike û şanoyeke din li ser zarokan ji aliyê Koma Şano ya Mezinan were pêşkêşkirin. Di heman demê de jî wê pêşangeheke wêneyan were vekirin û tê de 70 zarok wêneyên xwe li ser asta 4 rojan pêşkêş bikin.
Di roja duyem de ji Festîvala Melodiyên Payîzê li gel pêşnageha wêneyan, wê panêlek derbarê helbest û wêjeya kurdî de, ji aliyê Dilyar Osê ve rêvebirin herwiha Ehmed Huseyînî û Ferhadê merdê tevlî dibin.
Di berdewamiya lidarxistina pêşangeha wêneyan de, wê di roja 3’yan de 2 şano bên pêşkêşkirin.
Roja çaran jî wê Koma Muzîkê 13 stranên cuda û 2 awazan pêşkêş bike.
