Yasmîn Omo / Hesekê
Rêveberiyê Radyoya Xabûr Mêrxan Emadê diyar kir ku ew bi zimanên kurdî û erebî weşana xwe dikin û dengê xwe dighînin bajarê Hesekê û gundewarên wê. Emadî da xuyakirin ku tevî şert û mercên dijwarî ên ku herêm têre derbas dibûn jî, lê Radiyoya Xabûr karê xwe berdewam kir û bûn dengê şoreşê.
Di derbarê kar û xebatên Radyoya rêveberê wê Mêrxan Emadî ji Rojnameya mere axivî.
Mêrxan Emadî di destpêka axaftina xwe wiha got: ‘‘Radyoya Xabûr di 14’ê Gulana 2015’an
de li Hesekê û gundewarê wê dest bi weşana xwe kir. Tevî şert û mercên dijwar ên ku herêm tê re derbas dibûn, bi taybetî kêmbûna alav û amûrên pêwîst, vexumandina radiyoyê ku ji aliyê dagirkeriya Tirk ve dihat kiri, lê bi îradeyeke xurt kar û xebat dewam kirin û roj bi roj xebat pêş ketin. Radiyoya Xabûr deng û îradeya hemû gelên ku li beravên Xabûr dijîn ji hemû pêkhateyan kurd, ereb û ermen temsîl dike. Radiyoya Xabûr di salên damezirandina xwe de bi hebûna xwe ya li hemû qadan dengbêjiya Şoreşa Rojava nîşan da û ji bo ku rastiya şoreşê, bûyer û pêşketinên li herêmê diqewimin bighîne gel, bi zimanê erebî û kurdî stranên welatparêzî, şoreşgerî, filklorî û curbecur diweşîne. Tevî guhertina firekansa radyoyê ji ber destwerdan û vexumandina ku ji aliyê dagirkeriya Tirk ve dihat kirin, radyoyê guhdarên xwe yên ku li ser bihîstina dengê rastiyê berdewam bûn, winda nekirin. Îro jî bi rêya frekansa 96.3 bi guhdaran re danûstendinê dike, li ser sînorê xwe yên rojhilatî dighêje hin herêmên Iraqê jî.”
Emadî gotina xwe wiha domand: ‘‘Di radyoya Xabûr de gelek xebatkarên jin û mêr dixebitin . Hin ji wan bernaneya pêşkêş dikin û hin ji wan jî li ser ‘kontirolkeran ’ dixebitin, di demjimêra weşanê de stran û bernameyên curbecûr li ser asta siyasî , leşkerî û civakî û hemû û çalakiyên li Hesekê tên li darxistin, tên şopandin. Weşana Radyoya Xabûr di demjimêr şeş û nîvê sibehê dest pê dike û di demijmêr 12’ ê şevê bi sirûda netewî Ey Reqîb bi dawî dibe , û sibehê jî bi stranên kurdî û Erebî tî weşandin û dirûşma Radyoyê ‘Dengê Xabûr , Dengê birariya gelan. ’’
Mêrxan Emadî behsa bernameyên radiyoyê kir û axaftina xwe wiha qedand: “Ji bo weşana sibehê , radyo bi bernameya rojane ya bi navê‘ Hêviya Sibehê’ ji demjimêr 8 û nîv dest pê dike û 11 berî nîvro bi dawî dibe, tê de bi zimanê kurdî û erebî mijarên civakî, çandî , xizmetguzarî , çandinî û tenduristî , nêrînên kolanan û tiştên din ên curbecur û mijarên taybet ên jinan , gera nûçegihanan li Hesekê. Radyo ji bo pêşxistina kadroyên radyoyê û perwerdekirina wan ku bibe dengê Şoreşa civakî li herêmê’
