Diyana Mistefa/Reqa
Weqfa Jina Azad yekemîn pêşangeha xwe ya bi navê “Tiliyên Zêrîn” li salona şaredariyê ya navenda bajarê Reqayê vekir û wê du rojan dewam bike.
Di pêşangehê de bi dehan şêniyên bajarê Reqayê, endamên Meclisa Jinan a Zenûbiya, Meclîsa Malbatên Şehîdan û zarokên Dibistana Giristêrka Zarokatiyê, Aboriya Jinê, Rêveberiya Perwerdeyê û Hêzên Ewlekariya Hundirîn amade bûn.
Di pêşangehê de hunerên destan yên wekî; Dirûtin, tevnkirin, hirî, tabloya qermîşan, resim û alavên destan hatine çêkirin, hatin pêşandan.
Pêşangehê bi deqeyeke rêzgirtinê ji bo giyanê Şehîdan dest pê kir û piştre jî rêvebera Weqfa Jin a kantona Reqayê Mona El-Elî axivî û got: “Em îro di vê pêşangehê de bixêrhatina mêvanên xwe dikin, bi rengekî nû ji we re tê pêşkêş kirin, pêşe û jêhatîbûna jinan di warê hunera destan de derdixe pêş, afirandina bedewiyê ji materyalên herî hêsan nîşan dide.”
Mona El-Elî wiha domand: “Pêşangeha “Tiliyên Zêrîn” ne tenê pêşandana berhemên bedew e, belkî platformek e ji bo bidestxistina armancên bilind ku nêrîna Dezgeha Weqfa Jinan di bihêzkirina jinan de vedihewîne û derfetê dide wan ku xwe diyar bikin û afirînerî û enerjiyên xwe derdixin.”
Mona El-Elî wiha axaftina xwe bi dawî kir: “Armanca vê pêşangehê ew e ku hunera jinan di warê hunera destan de ronî bike û afirîneriya wan di çêkirina hilberên bilind ên ku bi tama xerîdarên nûjen re têkildar in destnîşan bike berhemên wan, li ser bazara hunerên destan fêr bibin piştgiriya jinên afirîner û pêşkêşkirina projeyên ku alîkariya wan dikin. Pêşxistina jêhatîbûna wan, afirandina projeyên biçûk, belavkirina çanda hunera destan di nav zarokên Gerstêrka Zarokatiyê de û teşwîqkirina wan ji bo fêrbûna mîrata hunerê. ”
Hêjayî bibîrxistinê ye ku wê pêşangeh 2 rojan dewam bike.
