Rojnameger û çalakvanên başûrê Kurdistanê diyar kirin ku erka wan ewe li dijî dagirkeriyê bêdeng nemînin û gel li dijî dagirkeriyê hişyar bikin.
Êrîş û bombebaranên dewleta Tirk ên li ser Başûrê Kurdistanê bi hemû awayî berdewam dikin û nerazîbûnên li dijî êrîşan jî berfireh dibin.
Rojnameger Jino Mihemed diyar kir ku metirsî netenê êrîş û bombebaranên dewleta Tirk ên li ser Başûrê Kurdistanê, metirsiya mezin ewe ku bi nermî Başûrê Kurdistanê dagir kiriye.”
Jino Mihemed bang li xelkê Kurdistanê û rêxistinên civaka navneteweyî kir ku li dijî dagirkeriya tirk ya li ser başûr derkevin.
Rojnameger Umêd Heme Salih jî diyar kir ku erka wan ewe ku li dijî dagirkeriyeê bêdeng nemînin û got; “Erka me ewe ku em bi hemû hêza xwe li hemberî dagirkeriyê civakê hişyar bikin. Ji ber ku heta ku xelk bêdeng be, wê dagirkerî û êrîş zêdetir bibin.”
Aktîvîstê civaka sivîl Yequb Kakik eşkere kir ku divê xelk li dijî dagirkeriyê bibe xwedî helwest û wiha axivî; “Divê li dijî dagirkeriyê helwest hebe. Di nava desthilat û hizban de gendeliyekî mezin heye. Ev ji bûye sedem ku welatên derdor destdirêjiya başûrê Kurdistanê bikin.”
Yequb Kakik diyar kir ku divê gel li dijî dagirkeriyê rabe û bêdeng nemîne…ROJNEWS