Jîn Hisên/ Qamişlo
Rêveberiya Rêxistina Stêrk ya Şopandin û Parastina Mafên Zarokan li bajarê Qamişlo Nisrîn Hisên bang li hêzên navnetewî û rêxistinên mafên zarokan kir ku li hemberî êrişên dewleta Tirk a dagirker bêdeng nemînin, herwiha daxwaz kir ku erkên xwe bi cih bînin.
Dewleta Tirk a dagirker êrîşên xwe yên hovane li dijî herêma Bakur û Rojhilatê Sûriyê berdewam dike, ji sûcên dijmirovî yên rojane têr nabe, ku herêmên tijî sivîl û zarok dike hedefa balafirên xwe. Di van êrîşan de gelek sivîl birîndar dibin piraniya wan zarokin dibin qurbaniya şer. Li hemberî van sûcên dijmirovî ku zarokên herêmê yên bê guneh dibin armanca balafirên dewleta Tirk a dagirker rêxistinên navdewletî û rêxistinên mafên miorvan bêdeng mane. Mirov matmayî dimîne yên ku banga parastina mafên zarokan dikin li pêşiya van êrîşên hovane dûrî exlaq û mirovahiyê bêdengin.
Di rojên dawî de, dewleta Tirk a dagirker êrîşên xwe li dijî herêmê zêde kiriye, bi taybet aliyên Eyn îsa, Minbic û li herêma Şehbayê ku piştî dagirkina Efrînê, şênî neçar man berê xwe bidin Şebahyê, lê dewleta Tirk rojane vê herêmê bombebaran dike, ku êşên koçberan zêde dike û jiyana wan zehmetir dike.
Artêşa Tirk a dagirker û çeteyên wê di 10 Cotmehê de gundê Tehna yê li rojavayê kantona Minbicê topbaran kiribû. Di encama êrişê de zarokên birayên hev Ebdo Cuma El Casim ê 5 salî û Casim Cuma El Casim ê 9 salî şehîd bûn.
Casim Mehmûd El Casim ê 6 salî, Ehmed Casim El Casim ê 8 salî û Muslim Casim El Casim ê 10 salî jî birîndar bûn. Zarokên birîndar rakiribûn Nexweşxaneya Firatê ya Kobanê.
Derbarê vê mijarê de Rêvebriya Rêxistina Stêrk a Şopandina Mafên Zarokan Nisrîn Hisên diyar kir ku hedefgirtina zarokan ji aliyê dagirkeriya Tirk ve berdewam e û wiha got: “Di van rojên dawî de artêşa Tirk a dagirker gundê Tehna yê girêdayî kantona Minbicê kir armanca balafirên xwe, di encama wê de du zarok şehîd ketin û sê birîndar bûn. Her roj herêma me li hemberî teqîn û bombebarana balafirên tirk tê, biçûk û mezin dibin hedefa van êrîşan.”
Nisrîn Hisên wiha domand: “Ev bûyer û bûyerên din yên kuştinê bandoreke neynî li ser tenduristiya (derûnî û pîskolojîk) ya zarokan dike, di aqil û mêjiyên wan wêne dimînin, ji ber ku her roj ev bûyer dûbare dibin, dibe ku ev yek berovajî bike ser jiyana wan di pêşerojê de.”
Nisrîn Hisên daxwaz kir ku şer û pevçûn, topbarankirina li ser herêmê ji hêla artêşa tirk a dagiker bi dawî bibe û wiha pê de çû: “Li gorî zagonên rêxistinên mafên mirovan hedefgirtina zarokan sûcekî şere, lê îro em dibînin ku li hemberî hedefgirtina zarokan tevahiya saziyên navneteweyî bêdeng in.”
Nisrîn Hisên di dawî de bang li raya giştî, rêxistinên mafên zarokan û hêzên navdewletî kir ku li hember êrîşên dewleta tirk a dagiker bêdeng nemînin û wiha got: “Divê rêxistinên parastina mafê mirovan û bi taybet rêxistinê ku bi mafê zarokan re eleqedarin bi erkê xwe yê mirovî rabin.”
