Meclisa Partiya Kesk a Kurdistanê êrîşên dewleta Tirk a dagirker li ser Şengalê ku di encamê de Endamê Koordînasyona Civaka Êzidî a Şengalê Zekî Şengalî şehîd bû, bi daxuyaniyekê şermezar kir. Di daxuyaniyê de hate gotin ku wê têkoşîna xwe ji bo yekitiya gelê Kurd berdewam bikin û bang li hikumeta başûr kir ku li dijî dagirkeriya dewleta Tirk ya li ser axa başûr derkevin.
Di daxuyaniyê de wiha hat gotin; “Dewleta Tirk a dagirker bi her awayî alîkariya çeteyên DAIŞ`ê û komên terorîst dike. Bi êrîşa li ser Şengalê ev yek careke din hat dîtin.
Êrşên dewleta tirk a dagirker ku di salvegera komkujiya gundê Koço de ku beriya 4 salan ji aliyê çeteyên DAIŞ`ê ve pêk hat û di encama wê de bi sedan şêniyên Şengalê bûn qurban de hat kirin. Her wiha di encama vê êrîşê di Endamê Koordînasyona Civaka Êzidî Zekî Şengalî şehîd bû. Vê êrîşî jî derket holê ku dewleta Tirk tolê ji hemû hêz û kesayetên ku çeteyên DAIŞ`ê têk bibin, hiltîne.
Em wek Partiya Kesk a Kurdistanê êrîşa li ser gelê Şengalê ku di encamê de fermandarê Koordînasyona Civaka Êzidî Zekî Şengalê û hindek sivîl şehîd bûn, şermezar dikin.
Careke di em tekez dikin ku gelê Kurd yek e. Em bang li hikumeta Başûrê Kurdistanê dikin ku hebûna dewleta Tirk li ser xaka xwe red bike. Em soz didin gelê Kurd li her çar parçeyên Kurdistanê ku em ê li ser rêya têkoşîn û rizgarkirina gelê Kurd bimeşin û em ê hemû Kurdistanê ji dagirkeran rizgar bikin.”