Hemza Sêvo/ Qamişlo
Rêbeberiya Xweser û Heyva Sor a Kurd ji bo komkirina alîkariyan ji koçberên Lubnanê re konê destekdayînê li pêşiya Şaredariya Gel a bajarê Qamişlo veda. Rêveberiya Xweser û Heyva Sor bang li xwedîderketina koçberan kirin.
Ji ber rewşa Lubnanê û êrişa ku ji aliyê Israyîlê ve tê kirin, bêtirî 7 hezar kes koçî herêma Bakur û Rojhilatê Sûriyê bûn û hîna jî ev rewş berdewam e. Lewma Rêveberiya Xweser û Heyva Sor pêşwaziya koçberan kirin û ji wan re bûn destek.
Îro jî li pêşa şaredariya Gel a bajarê Qamişlo bi daxuyaniyekê kampaniya destekdayînê hat destpêkirin.
Daxuyanî ji hêla Rêbereiya Xweser û Heyva Sor a Kurd ve bi devkî hat dayîn û tevahiya Saziyên Rêveberiya Xweser tevlî bûn.
Di daxuyaniyê de hate diyarkirin ku erkê alîkariya koçberên Lubnanê erkekî mirovî ye û dikeve ser milê me û tevhiya gel û wiha hat gotin: “Armanc ji destpêkirina pêngavê ew e ku em bi hemû awayan bibin destek ji koçberan re, çi di milê madî an jî milê manewî de be. Koçber di encama kirîzeke mezin gihaştin Bakur û Rojhilatê Sûriyê, ew jî niha li hêviya alîkariyê ne. Me weke Heyva Sor û Rêveberiya Xweser îro li gelek bajarên Bakur û Rojhilatê Sûriyê konên destekdayînê vedane. Hêjayî bibîrxistinê ye ku ev kon hemû curyên alîkariyan werdigire û wê heya 20 vê mehê bidomîne. Lewma jî em bang li her kesî xwedî karîn û şiyan, dikin ku berê xwe bidin konên alîkariyê. Dibe ku destekeke biçûk ji we, bibe alîkarî û kêfxweşiyeke mezin ji koçberan re. ”
