Birûc Resûl/Qamişlo
Heyva Sor a Kurd bi daxuyaniyekî fermî li bre navenda xwe ya giştî li bajarê Qamişlo piştgirî da penberên Lubnanê. Di vê çarçoveyê de û ji bona alîkariya koçberên herêma Bakur û Rojhilatê Sûriyê yên ku li Lubnanê diman kampaniya komkirina alîkariyê hate destpêkirin.
Bi hatina gelek koçberên ku ji Lubnanê derbasî herêma Bakur û Rojhilatê Suriyê bûne, Rêxistina Heyva Sor a Kurd di çarçoveya alîkariya koçberên Lubnanê yên li herêma Bakur û Rojhilatê Sûriyê. Bi amedebuyina hemû endamên Heyva Sor a Kurd, daxuyanî bi zimanê Erebî û Kurdî hate xwendin.
Di destpêka daxuyaniyê de wiha hat gotin: “Di çarçoveya rewşa mirovî ya dijwar de ku gelê me yê Lubnanê yên hatine herêmên me dikşînin, Rêxistina Heyva Sor a Kurd destpêkirina kampanyayeke alîkariyê, bi armanca peydakirina piştgiriya pêwîst ragihand. Ev insyatîv ji bo rewşa heyî a lezgîn ku gelê me yê Lubnan pê re rû bi rû dimînin hat despêkirin.
‘Di şert û mercên dijwar û xeter de dijîn’
Di berdewamiya daxuyaniyê de hat diyarkirin ku bi van kesên bi şert û mercên giran de derbas dibin piştgiriyeke bi lezgînî pêwîst e û wiha hat gotin: “Li Lubnanê ji ber qeyranên li pey hev rû dan, gelên li wir hemû rû bi rûyê xeteriyek mezin hatin. Ji ber vê yekê hewldanên hevgirtî ji bo piştgiriya van kesên ku di şert û mercên dijwar û xeter de dijîn, bi lezgînî pêwîst e.”
‘Bibin alîkar ku hêvî û pêşeroja wan ji nû ve ava bibe’
Daxuyanî wiha hat bi dawî kirin: “Li ser vê bingehê em bang li gel û hemû saziyan dikin ku tevkariyê li vê kampanyaya pîroz bikin û alîkariya xwe pêşkêş bikin. Her beşdariyek mirovahiya me û hevgirtina me bi xwişk û birayên me re nîşan dide. Em dikarin li jiyana kesên ji Lubnanê hatine koçberkirin xwedî derkevin, bibin alîkar ku hêvî û pêşeroja wan ji nû ve ava bibe.”
